ರವಿ ಕಾಣದ್ದು

ಈಚೆಗೆ ನೋಡಿದ "ದ ಮರ್ಡರ್ ಆಫ್ ಮೇರಿ ಫೇಗನ್" ಎಂಬ ಚಿತ್ರದ ಬಗ್ಗೆ ಬರೆಯಬೇಕು ಎನ್ನಿಸಿತು. ಮೂರು ಗಂಟೆಗೂ ಹೆಚ್ಚು ಅವಧಿಯ ಈ ಚಿತ್ರ ವಾಸ್ತವವಾಗಿ  ಟೆಲಿವಿಷನ್ ತೆರೆಗಾಗಿ ತಯಾರಿಸಲಾದ ಮಿನಿ ಸೀರೀಸ್.  ನಿಮಗೂ ಇದು ಅಂತರ್ಜಾಲದಲ್ಲಿ ಸಿಕ್ಕುತ್ತದೆ.  ಇದೊಂದು ಸತ್ಯ ಘಟನೆಯನ್ನು ಆಧರಿಸಿದ ಚಿತ್ರ. ಇಪ್ಪತ್ತನೇ ಶತಮಾನದ ಪ್ರಾರಂಭದಲ್ಲಿ ಅಮೆರಿಕಾದ ಜಾರ್ಜಿಯಾ ರಾಜ್ಯದಲ್ಲಿ ಒಂದು ಪೆನ್ಸಿಲ್ ಫ್ಯಾಕ್ಟರಿಯಲ್ಲಿ ಮೇರಿ ಫೇಗನ್ ಎಂಬ  ಹದಿಮೂರು ವರ್ಷದ ಒಬ್ಬ ಕಾರ್ಮಿಕ ಬಾಲಕಿಯ ಕೊಲೆಯಾಗುತ್ತದೆ. ಮ್ಯಾನೇಜರ್ ಆಗಿದ್ದ ಲಿಯೋ ಫ್ರಾಂಕ್ ಎಂಬ  ವ್ಯಕ್ತಿಯ ಮೇಲೆ ಕೊಲೆಯ ಆರೋಪ ಮಾಡಲಾಗುತ್ತದೆ. ಅವನೊಬ್ಬ ಯಹೂದಿ ಎಂಬ ಕಾರಣಕ್ಕಾಗಿ ಜಾರ್ಜಿಯಾದ ಜನರಿಗೆ ಅವನ ಮೇಲೆ ಅಸಹನೆ. ರಾಜಕಾರಣಿಗಳು, ಪೊಲೀಸರು, ಪ್ರಾಸೆಕ್ಯೂಟರ್ ಎಲ್ಲರೂ ಅವನ ವಿರುದ್ಧ ನಿಲ್ಲುತ್ತಾರೆ. ಪತ್ರಿಕಾ ವರದಿಗಾರರು ಅವನನ್ನು ಒಬ್ಬ ರಾಕ್ಷಸನೆಂಬಂತೆ ಚಿತ್ರಿಸುತ್ತಾರೆ.  ಡಿಫೆನ್ಸ್ ಲಾಯರ್ ಸಾಕ್ಷ್ಯಗಳ ನ್ನು ಲೇವಡಿ ಮಾಡಲಾಗುತ್ತದೆ. ಅವರು ಸಾಕ್ಷ್ಯ ಹೇಳಲು ಬಂದಾಗ ಜನ ಎದ್ದು ನಿಂತು ಪ್ರಾರ್ಥನೆ ಹೇಳುತ್ತ ಅವರ ಮಾತು ಕೇಳದಂತೆ ಮಾಡುತ್ತಾರೆ. ಅತ್ಯಂತ ಮೃದು ಸ್ವಭಾವದ ಮ್ಯಾನೇಜರನನ್ನು ಪ್ರೀತಿಸಿ ಮದುವೆಯಾದ ಅವನ ಹೆಂಡತಿಯೂ ತನ್ನ ಪತಿಗೆ ಮತ್ತೊಂದು ಮುಖವಿರಬಹುದೇ ಎಂಬ ಸಂಶಕ್ಕೆ ಒಳಗಾದರೂ ಕೊನೆಗೆ ಅವಳ ಪ್ರೇಮವು ಗೆಲ್ಲುತ್ತದೆ. ಪತಿಯ ಬಗ್ಗೆ ಆರೋಪಗಳನ್ನು...

ಮಹಿಮಾ ಕಾಲೇಜಿನ ಲೈಬ್ರರಿಯಲ್ಲಿ ಗ್ರಂಥಪಾಲಕಿಯಾಗಿದ್ದಾಳೆ. ಹೆಚ್ಚು ಜನ ವಿದ್ಯಾರ್ಥಿಗಳು ಈಗೀಗ ಇಂಟರ್ನೆಟ್ ಮೇಲೆ ಸಿಕ್ಕುವ ಪುಸ್ತಕ ಮತ್ತು ನೋಟ್ಸ್ ಇವುಗಳನ್ನೇ ಆಧರಿಸಿದ ಕಾರಣ ಲೈಬ್ರರಿ ಹೆಚ್ಚುಕಡಿಮೆ ವರ್ಷಪೂರ್ತಿ ಬಿಕೋ ಎನ್ನುತ್ತಿತ್ತು. ಪರೀಕ್ಷೆಯ ಮುನ್ನಾದಿನಗಳಲ್ಲಿ ಮಾತ್ರ ವಿದ್ಯಾರ್ಥಿಗಳು ಕಿಕ್ಕಿರಿದು ತುಂಬಿರುತ್ತಿದ್ದರು. ಇನ್ನುಳಿದ ದಿನಗಳಲ್ಲಿ ಕಾಲೇಜಿನ ಉಪಾಧ್ಯಾಯರು ಹೆಚ್ಚಾಗಿ ಬರುತ್ತಿದ್ದರು. ಸುನಿಲ್ ಕಾಲೇಜಿನ ಕೆಮಿಸ್ಟ್ರಿ ವಿಭಾಗಕ್ಕೆ ಸಹಾಯಕ ಪ್ರಾಧ್ಯಾಪಕನಾಗಿ ಸೇರಿದ್ದಾನೆ. ಅವನು ಆಗಾಗ ಲೈಬ್ರರಿಗೆ ಬರುತ್ತಾನೆ. ಇಂಥ ಪುಸ್ತಕ ಇದೆಯೇ, ಅದನ್ನು ಬೇರೆ ಯಾವುದಾದರೂ ಲೈಬ್ರರ ಿಯಿಂದ ತರಿಸಿಕೊಡಲು ಸಾಧ್ಯವೇ ಎಂದೆಲ್ಲ ಮಹಿಮಾಳನ್ನು ಕೇಳುವವರಲ್ಲಿ ಅವನು ಬಹುಶಃ ಮೊದಲಿಗ. ಉಳಿದವರು ಏನಿದ್ದರೂ ತಾವೇ ಕಪಾಟಿಗೆ ಹೋಗಿ ತಮಗೆ ಬೇಕಾದ ಪುಸ್ತಕವನ್ನು ತೆಗೆದುಕೊಂಡು ಹೋಗುತ್ತಿದ್ದರು. ಸಂಶೋಧನೆಗಾಗಿ ಸುನಿಲ್ ಯಾವುದೋ ಕೇಳರಿಯದ ಪುಸ್ತಕಗಳಿಗಾಗಿ ಬೇಡಿಕೆ ಇಡುತ್ತಿದ್ದ. ಅವಳಿಗೂ ಇದೊಂದು ಚಾಲೆಂಜ್ ಎನ್ನಿಸಿ ಸಾಧ್ಯವಾದಷ್ಟು ಬೇಗ ಅವನಿಗೆ ಪುಸ್ತಕಗಳನ್ನು ತಂದು ಒದಗಿಸಲು ಉತ್ಸಾಹ ತೋರಿಸುತ್ತಿದ್ದಳು. ಅಂದು ಕೂಡಾ ತಾನು ಬೇರೆ ಕಾಲೇಜಿನ ಲೈಬ್ರರಿಯಿಂದ ತರಿಸಿದ ಒಂದು ಸಂಶೋಧನಾ ಪ್ರಬಂಧವನ್ನು ಅವನಿಗೆ ಕೊಡುವ ಉತ್ಸಾಹದಲ್ಲಿ ಅವಳು ಫೋನ್ ಮಾಡಿದಳು. ತನ್ನ ಮೊಬೈಲ್ ನಂಬರ್ ಅವನು ಇವಳಿಗೆ ಕೊಟ್ಟಿದ್ದಾನೆ. "ಓ ಲೈಬ್ರರಿಯನ್ ...

ಸಂತೆಯಲ್ಲಿ ಎಲ್ಲರದೂ ಒಂದೊಂದು ಮಾತು ಅಂತೆಕಂತೆಗಳದ್ದೇ ಮಾರುದ್ದ ಮಾತು ಇಂಥವರು ಹೀಗೆ ಅಂಥವರು ಹಾಗೆ ಸಂತರು ತಾವೊಬ್ಬರೇ ಎಂಬಂತೆ ಮಾತು ಮಂಥನ ಮಾಡುವವರೇ ಎಲ್ಲರೂ ಕಡಲನ್ನು ಗ್ರಂಥ ಓದದೇ ವಿಮರ್ಶೆಯ ಮಾತು ಸ್ವಂತ ಮಗನಂತೆ ಪ್ರೀತಿಸಿದಳು ಕೈಕೇಯಿ ಮಂಥರೆಗೇನು, ಕಡ್ಡಿ ಮುರಿದಂತೆ ಮಾತು ತಂತಿಯ ಮೃದುಸ್ವರಗಳೆಲ್ಲ ಲುಪ್ತವಾಗುವ ಹಾಗೆ ಗಂಟೆ ಹೊಡೆದಂತೆ ಘಂಟಾಘೋಷದ ಮಾತು ಸಿ. ಪಿ, ರವಿಕುಮಾರ್

(1) ಐಟೀ ಜಗತ್ತಿನಲ್ಲಿ  ನೆನ್ನೆಮೊನ್ನೆಯವರೆಗೂ ಬಿಟ್ ಸೊನ್ನೆಯಾದರೆ ಸುಳ್ಳು ಬಿಟ್ ಒಂದಾದರೆ ನಿಜ ಕ್ವಾಂಟಂ ದಿನಗಳಲ್ಲಿ ಅರ್ಧಸತ್ಯವು ನಿಜವೂ ಆಗಿರಬಹುದು ಫೇಕ್ ಆಗಿರಬಹುದು. (2) ಸೆಲ್ ಎಂದರೆ ವಿದ್ಯುತ್ ನೀಡುವ ಸಾಧನ ಹಲವು ಸೆಲ್ ಸೇರಿದರೆ ಬ್ಯಾಟರಿ ಶೆಲ್ ಹೊರಗಿನ ಚಿಪ್ಪು ಮಾರಾಯರೆ ಸೆಲ್ ಅನ್ನಲು ಛೇ ಶೆಲ್ ಎನಬ್ಯಾಡರೀ (3)  "ಸ್ವಚ್ಛತೆ ಅಂದರೇನು? ಅ-ಮಲಿನ ಸಮಾಜ" ಎಂದು ವಾದಿಸುತ್ತಿದ್ದ ಸಾಹಿತಿ ಮನೋಜ ಫ್ರೀ ವ್ಹಿಸ್ಕಿ ಸಿಕ್ಕಾಗ ಮಾಡುತ್ತ ಮೋಜ ಸೃಷ್ಟಿಸಿದ ಕುಳಿತಲ್ಲೇ ಅಮಲಿನ ಸಮಾಜ (4) ಇಂಗ್ಲಿಷ್ನಲ್ಲಿ ಮಾತಾಡಿಸುತ್ತಾರೆ ಅವನನ್ನು "Hi" ಕನ್ನಡದಲ್ಲಿ ಮಾತಾಡಿಸುತ್ತಾರೆ "ಲೋ" ಇದಕ್ಕೇ ಇರಬಹುದು ಕನ್ನಡ ಕಲಿಯೋದಕ್ಕೆ  ಅವನಿಗೆ ಉತ್ಸಾಹವೇ "Low" (5) ನಿರುದ್ಯೋಗ ಏರಿದೆಯಂತಲ್ರೀ, ಕೇಳಿದಳು ಪತ್ನಿ ಹೌದಾ ಎಂದನು ಪತಿರಾಯ ರುಬ್ಬುತ್ತ ಚಟ್ನಿ ಫೇಸ್ ಬುಕ್ ಓದುತ್ತ ಕುಳಿತಳು ನಿರುದ್ಯೋಗಿ ದೋಸೆ ಹೊಯ್ಯುತ್ತಿರುವನು ಕರ್ಮಯೋಗಿ (6)  ಫೇಸ್ ಬುಕ್ ಖಾತೆ ತೆರೆದಾಗ ವಿಶ್ವಮಿತ್ರ  ವಿಶ್ವವೇ ಅವನಿಗೆ ಫ್ರೆಂಡ್ ಆಯ್ತು ಗೊತ್ರಾ ವಿಶ್ ಮಾಡಿದರೆ ಅವನು ಮಾಡಲೇ ಇಲ್ಲ ಪ್ರತಿವಿಶ್ ಈಗ ನೋಡಿರಿ ಪಾಪ ಸ್ಟೇಟಸ್ "ವಿಶ್ವಾಮಿತ್ರ" (7) ಬೇಡದಾ ಕಡೆ ದೀರ್ಘ ಬೇಕದಕಡೆಗಿಲ್ಲ ಅಯ್ಯೋ ಪಾಡೇನು ಹೀಗಾದರೆ ಕನ್ನಡದ್ದೆಂದು ಪಂಡಿತರು ತೀಡುತ್ತಿರಲು ಉತ್ತರಪತ್...