ರವಿ ಕಾಣದ್ದು

ಮೂಲ ಹಿಂದಿ ... ಹರಿವಂಶರಾಯ್ ಬಚ್ಚನ್ ಕನ್ನಡಕ್ಕೆ ... ಸಿ.ಪಿ.ರವಿಕುಮಾರ್ (ಹರಿವಂಶರಾಯ್ ಬಚ್ಚನ್ ಅವರ ಈ ಗೀತೆಯನ್ನು ಆಲಾಪ್ ಹಿಂದಿಚಿತ್ರದಲ್ಲಿ ಬಳಸಲಾಗಿದೆ. ಇದನ್ನು ಏಸುದಾಸ್ ಹಾಡಿದ್ದಾರೆ.) ನಿದ್ರಿಸುವೆ, ನೀ ಹಾಡಿದರೆ! ಸಂಸ್ಕೃತಿಯ ವಿಶಾಲ ಸಮುದ್ರದೊಳು ಸುಖದುಃಖದ ಅಲೆಗಳ ಬೀಳೇಳು ಏರುವೆ ಸ್ವಪ್ಪದ ನೌಕೆಯ ಮಡಿಲು! ತೇಲುತ ಸಾಗುವೆ ಹಗಲೂ ಇರುಳೂ! ನಿದ್ರಿಸುವೆ, ನೀ ಹಾಡಿದರೆ! ಬೀರುತ ನನ್ನೆಡೆ ಪ್ರೇಮದ ನೋಟ ಹಾಡುತ ಶುಭಹರಕೆಯ ಸಂಗೀತ ಮಾತೆಯ ಮಮತೆಯ ಮಡಿಲಿನ ಮಾಟ ಹಣೆ ನೇವರಿಸುವ ಬೆರಳಿನ ಆಟ ನಿದ್ರಿಸುವೆ, ನೀ ಹಾಡಿದರೆ! ನನ್ನಯ ಬದುಕಿನ ಕಹಿನಾಟಕವ ನನ್ನಯ ಜೀವನ ಕಾರ್ಕೋಟಕವ ಸಿಹಿಗೊಳಿಸುತ ತನ್ನಯ ಗೀತೆಯಲಿ ಮೆಲ್ಲನೆ ಹಾಡಿದರಿನಿದನಿಯಲ್ಲಿ, ನಿದ್ರಿಸುವೆ, ನೀ ಹಾಡಿದರೆ! ಮೂಲ ಹಿಂದಿ ... ಹರಿವಂಶರಾಯ್ ಬಚ್ಚನ್ ಕನ್ನಡಕ್ಕೆ ... ಸಿ.ಪಿ.ರವಿಕುಮಾರ್