ರವಿ ಕಾಣದ್ದು

 ಮೂಲ ಕವಿತೆ:  ವಿಲಿಯಂ ವರ್ಡ್ಸ್ವರ್ತ್ ಅನುವಾದ: ಸಿ. ಪಿ. ರವಿಕುಮಾರ್ ಎನ್ನೆದೆ ಕುಣಿದಾಡುವುದು ಕಂಡಾಗ ಕಾಮನಬಿಲ್ಲು! ಇದೇನು ಇಂದಿನ ಮಾತಲ್ಲ, ಚಿಕ್ಕಂದಿನಿಂದಲೂ ಮುಂದುವರೆದಿದೆ ನಾನೀಗ ಎತ್ತರದ ಆಳಾದರೂ ಇದು ಹೀಗೇ ಇರಲಿ ನೆರೆತಾಗ ತಲೆಗೂದಲು: ಇಲ್ಲದಿದ್ದರೆ ದೇವ ಕರುಣಿಸಲಿ ಸಾವು! ಮಾನವನ ತಂದೆಯಲ್ಲವೆ ಶಿಶು? ನನ್ನೆದೆಯಲ್ಲಿ ಬೆಳಕು ಬೀರುವುದೊಂದು ಕನಸು:  ಬೆಸೆದುಕೊಂಡಿರಲಿ ನನ್ನ ದಿನಗಳು ಒಂದಕ್ಕೊಂದು ಮಾನವಸಹಜ ಭಕ್ತಿಯಿಂದ ಎಂದು.

ಮೂಲ ಇಂಗ್ಲಿಷ್  ಕವಿತೆ: ವಿಲಿಯಂ ವರ್ಡ್ಸ್‌‌ವರ್ತ್   ಕನ್ನಡಕ್ಕೆ: ಸಿ. ಪಿ. ರವಿಕುಮಾರ್   ಕುಣಿವುದೆನ್ನ ಮನ ಗರಿಗೆದರಿ ಕಂಡಾಗ ಕಾಮನಬಿಲ್ಲು ಬಾನಲ್ಲಿ! ಬಾಲ್ಯದಲ್ಲಿ ಹೇಗೆ ಚಿಮ್ಮುತ್ತಿತ್ತೋ ಸೋಜಿಗದ ಹೊನಲು ಹಾಗೇ ಹೊಮ್ಮುವುದು ಮಾನವನಾಗಿ ಬೆಳೆದು ನಿಂತಾಗಲೂ ಚಿಮ್ಮುತ್ತಿರಲಿ ಹೀಗೆಯೇ ಮುಂದೆಯೂ! ಇಲ್ಲದಿರೆ ನನಗೆ ಕೊಟ್ಟುಬಿಡು ಸಾವು! ಮಗುವಲ್ಲವೇ ಮಾನವನ ಜನಕ: ಬೇಡಿಕೊಳ್ಳುವೆ ದೈವದಲ್ಲಿ ನಾನನಕ! ಉರುಳುತ್ತ ಹೋದಂತೆ ನನ್ನ ದಿನಗಳು ಪರಸ್ಪರ ಸಹಜಭಕ್ತಿಯಿಂದ ಬೆಸೆದುಕೊಂಡಿರಲೆಂಬ ವರ!