ರವಿ ಕಾಣದ್ದು

ಇಷ್ಟೆಲ್ಲದರ ನಡುವೆ ಮೂಲ: ಟಾಮ್ ಹಿರಾನ್ಸ್ ಇಷ್ಟೆಲ್ಲದರ ನಡುವೆ ಅರಳುತ್ತವೆ ಹೂ ಯಥಾಪ್ರಕಾರ ಚಂದ್ರೋದಯ ಸೂರ್ಯೋದಯಕ್ಕಿಲ್ಲ ಸಂಚಕಾರ ಮಕ್ಕಳು ಮುಗುಳ್ನಗುತ್ತವೆ ದೊಡ್ಡದಾಗಿ ನಿಷ್ಕಾರಣ ಮತ್ತು ಅಸಂಭವ ದಾಟಿ ಎರಡು ಹೃದಯಗಳ ಮಿಲನ ಅಪರಿಚಿತರು ಹಂಚಿಕೊಳ್ಳುತ್ತಾರೆ ಕಡ್ಡಿಪೆಟ್ಟಿಗೆ, ನಗೆ  ನೀರಿನ ಮೇಲೆ ಆಡುತ್ತವೆ ಬೆಳಕಿನ ಕೋಲುಗಳು ಮೆಲ್ಲಗೆ ಅನಿರೀಕ್ಷಿತ ಬೀದಿಗಳಲ್ಲಿ ಅರಳುತ್ತದೆ ಔದಾರ್ಯ  ನೆರೆ, ಭೂಕಂಪನಗಳ ನಡುವೆ  ಪುನರ್ವಸತಿ ಕಾರ್ಯ ಬದುಕಿನ ಕಡೆಗೆ ವಾಲುತ್ತದೆ ಜೀವನ ಎಲ್ಲವನ್ನೂ ಸಾವು ತೆಗೆದುಕೊಂಡರೂ ಆಫೋಷನ ನಡುವೆ ಇದ್ದವು ಎಷ್ಟೊಂದು ಅಮೂಲ್ಯ ಕ್ಷಣ ಎಲ್ಲವೂ ಪ್ರಕಾಶಮಾನವಾಗಿ ಜಗಮಗ ನಾವು ಮತ್ತೊಮ್ಮೆ  ನಮ್ಮ ಈ ಜಗ ವನ್ನು ಪ್ರೀತಿಸುವಂತೆ ಇತ್ತು ಜೀವನ.

 ಜೀವನ ಮೂಲ ಕವಿತೆ: ಹೆನ್ರಿ ವ್ಯಾನ್ ಡೈಕ್ ಕನ್ನಡಕ್ಕೆ: ಸಿ. ಪಿ. ರವಿಕುಮಾರ್ ವರುಷದಿಂದ ವರುಷಕ್ಕೆ ಬದುಕಬಯಸುವುದೆನ್ನ ಚಿತ್ತ ಸದಾ ಮುಂದಕ್ಕೆ ನೋಡುತ್ತಾ, ಆತ್ಮ ಪಶ್ಚಾತ್ತಾಪರಹಿತ, ಮುನ್ನುಗ್ಗದೇ ಗುರಿಯತ್ತ, ಗುರಿಯಿಂದ ಎಂದೂ ಆಗದೆ ವಿಮುಖ, ಭೂತದ ಕತ್ತಲಲ್ಲಿ ಕಳೆದುಹೋದದ್ದಕ್ಕೆ ಪಡದೆ ದುಃಖ, ಮೇಲೇಳುವ ಮುನ್ನವೇ ಭವಿಷ್ಯದ ಪರದೆ ಮುಂದೇನು ಎಂದು ಇಂದೇ ಭೀತನಾಗಿರದೆ, ಸಂತಸದಿಂದ  ಕಟ್ಟುತ್ತಾ ವಯೋಮಾನಕ್ಕೆ ತೆರಬೇಕಾದ ತೆರಿಗೆ ಲಗುಬಗೆಯ ಹೆಜ್ಜೆ ಇಡುತ್ತಾ ಬರುವ ವರುಷದ ಕಡೆಗೆ. ಮೇಲ್ಮುಖವೋ ನತಶಿರವೋ ಮುಂದಿರುವ ಪಥ  ಒರಟೋ ನಯವೋ! ಪಯಣ ಹೇಗಿದ್ದರೂ ಸುಖ! ಹುಡುಕುತ್ತ ಸಾಗುವೆ ನಾನು ಬಾಲ್ಯದಿಂದಲೂ ಬಯಸಿದ್ದನ್ನೇ, ಹೊಸಮೈತ್ರಿ, ಉತ್ತುಂಗ ಸಾಹಸ, ಮತ್ತೊಂದು ಮುಕುಟ! ಹುಡುಕಾಟದ ಕೆಚ್ಚು  ಹೃದಯದಲ್ಲಿರುವುದು ಎಂದೆಂದಿಗೂ. ಆಶಿಸುವೆ ಅತ್ಯುತ್ತಮವಾಗಿರಲಿ ಪಯಣದ ಕೊನೆಯ ತಿರುವು

ಮೂಲ ಹಿಂದಿ ಕವಿತೆ - ಮೈಥಿಲೀಶರಣ ಗುಪ್ತ  ಅನುವಾದ - ಸಿ. ಪಿ. ರವಿಕುಮಾರ್  ವ್ಯರ್ಥ ಮೃತ್ಯುವಿನ ಭಯ ಜೀವನಕ್ಕೇ ವಿಜಯ ಬೇರನು ಸುದೃಢಗೊಳಿಸುತ ಜೀವ  ನಿತ್ಯ ಗಳಿಸುತಿದೆ ಹೊಸವೈಭವವ ಮರುವುಟ್ಟು ಪಡೆಯುವನು  ಮಗುವಲ್ಲಿ ಮಾನವ  ಈ ಆತ್ಮವು ಅಕ್ಷಯ  ಜೀವನಕ್ಕೇ ವಿಜಯ   ಜಾಗೃತಗೊಳುವುದು ಜೀವನ ಕಣ್ಬಿಚ್ಚಿ   ಮರಣವೋ!  ನಿಶ್ಚೇಷ್ಟಿತ,   ಕಣ್ಮುಚ್ಚಿ!  ಒಂದು ಬೀಜ ನೂರಾಗುವ ಸೃಷ್ಟಿ  ಕರ್ತನು ತುಂಬಾ ಸದಯ! ಜೀವನಕ್ಕೇ ವಿಜಯ ಜೀವನಕ್ಕಾಗಿ ಸಾಯಲೂ ನಾ ಸಿದ್ಧ! ಎಲ್ಲಡಗಿಸಲೀ ಧನವನು ಭದ್ರ?  ತಿಳಿಯದೆ ಬಳಸಿದರಿದರೌಚಿತ್ಯ  ಮಾತ್ರ ಖಂಡಿತ ಪ್ರಳಯ!  ಜೀವನಕ್ಕೇ ವಿಜಯ

ಮೂಲ ... ಅಹ್ಮದ್ ಮುಶ್ತಾಕ್ ಕನ್ನಡಕ್ಕೆ ... ಸಿ.ಪಿ. ರವಿಕುಮಾರ್ ನಮ್ಮ ವಿಳಾಸವಿನ್ನೂ ಅದುವೇ, ಬದಲಾಗಿಲ್ಲ ಮನೆಯಾಗಲಿ ನಮ್ಮ ಕತೆಯಾಗಲಿ ಬದಲಾಗಿಲ್ಲ ಪಯಣಕ್ಕಾಗಿದೆ ಇನ್ನೂ ಅದುವೇ ಮುರುಕಲು ನಾವೆ ನಿಂತ ನೀರಿನ ನದಿಯೂ ಅದುವೇ, ಬದಲಾಗಿಲ್ಲ ಇದುವೇ ವಧಾಸ್ಥಾನ, ಕರುಣಾಶ್ರಯವೂ ಇದುವೇ ನಾಮಶೇಷವೂ ಇಲ್ಲದ ಹೃದಯವೂ ಬದಲಾಗಿಲ್ಲ ಯಾವ ಗುರಿಗೂ ಕೊಂಡೊಯ್ದು ನಾವು ಹಿಡಿದ ಈ ಹಾದಿ ಇಕ್ಕೆಡೆಗೂ ತೆರೆಯದ ಕಿಟಕಿಯೂ ಬದಲಾಗಿಲ್ಲ ನಮ್ಮ ಬಿಸಿಲಿನಲಿ ನಾವು ಕುಳಿತಿರುವೆವು 'ಮುಶ್ತಾಕ್' ನಮ್ಮ ಹಿಂಬಾಲಿಸುವ ನೆರಳೂ ಬದಲಾಗಿಲ್ಲ |

ಮೂಲ ಉರ್ದೂ ... ಸುದರ್ಶನ್ ಫಾಕಿರ್ ಕನ್ನಡಕ್ಕೆ ... ಸಿ.ಪಿ. ರವಿಕುಮಾರ್ ನೀಡಿರಿ ಕಷ್ಟಗಳಿಗೆ ಆಹ್ವಾನ ನಾನಿನ್ನೂ ಜೀವಂತವಾಗಿರುವೆ ಮಾಡಿಕೊಡಿ ನನಗೆ ಮನದಟ್ಟು, ನಾನಿನ್ನೂ ಜೀವಂತವಾಗಿರುವೆ ನಿಲ್ಲುವುದು ನನ್ನ ಪ್ರಾಣವೂ ನಾನು ನಿಲ್ಲುವೆನೋ ಯಾವಾಗ ತಳ್ಳಿಬಿಡಿ ಗುರಿಯನ್ನು ದೂರ, ನಾನಿನ್ನೂ ಜೀವಂತವಾಗಿರುವೆ ರೂಢಿಯಾಗಿದೆ ನನಗೆ ಈಗ ನಂಜು ಹೀರುವುದು ಜನರೇ ನೀಡಿ ಬೇರಾವುದೋ ಮದ್ದು, ನಾನು ಜೀವಂತವಾಗಿರುವೆ ನಡೆವ ದಾರಿಯ ಮೇಲೆ ನನಗೆ ಉಂಟಾಗುತ್ತಿದೆ ಒಲವು ಚದುರಿಸಿ ಜನಜಂಗುಳಿಯನ್ನು, ನಾನಿನ್ನೂ ಜೀವಂತವಾಗಿರುವೆ

ಮೂಲ .. ನಿದಾ ಫಾಜಲಿ ಕನ್ನಡಕ್ಕೆ .. ಸಿ.ಪಿ. ರವಿಕುಮಾರ್ ನಮಗಿರುವುದು ಇದು ಒಂದೇ ಭೂಮಿ, ನಿನ್ನದಿದೆಷ್ಟೋ ನನ್ನದು ಅಷ್ಟೇ ಸುಖದುಃಖಗಳ ರಂಗಿನರಾಟೆ ನಿನ್ನದಿದೆಷ್ಟೋ ನನ್ನದು ಅಷ್ಟೇ ಅಕ್ಕಿಬೇಳೆಗಳ ತೂಗುವ ಕೈಯಿ ವಂಚನೆ ಮಾಡಿದರೇನೆನಬಹುದು? ಒಳಗಿರುವುದು ಹೊರಗಿರುವುದು ಎಲ್ಲಾ ನಿನ್ನದಿದೆಷ್ಟೋ ನನ್ನದೂ ಅಷ್ಟೇ ಪ್ರತಿಯೊಬ್ಬರೂ ಪಡೆದುದು ಬಾಳಲ್ಲಿ ಕಂಬನಿ, ಕನಸು, ಕಾಮನೆ, ಕಷ್ಟ ಪ್ರತಿ ಉಸಿರಿನ ಹೊರೆಯೂ ಸಮಭಾರ, ನಿನ್ನದಿದೆಷ್ಟೋ ನನ್ನದೂ ಅಷ್ಟೇ ಉಸಿರುಗಳೆಷ್ಟೋ ಅಷ್ಟೇ ಹರುಷ, ಪ್ರತಿಯೊಂದಕ್ಕೂ ಅದರದೆ ಲೆಕ್ಕ, ಯುಗಯುಗಗಳ ಇತಿಹಾಸ ಸಮುದ್ರ, ನಿನ್ನದದೆಷ್ಟೋ ನನ್ನದೂ ಅಷ್ಟೇ ಸುಖನೆಮ್ಮದಿ ಬಟವಾಡೆಯವರೆಗೆ ಮಾತ್ರವೇ ಮೇಲು-ಕೀಳಿನ ಸೂತ್ರ ಪ್ರಳಯವು ಎಂದೋ ಎನ್ನುವ ಭೀತಿ ನಿನ್ನದದೆಷ್ಟೋ ನನ್ನದೂ ಅಷ್ಟೇ