ರವಿ ಕಾಣದ್ದು

"ಇವತ್ತು ಬರೀ ಒಂದು ಸಿಂಗಲ್ ಪ್ಲೈನ್ ಇಡ್ಲಿ ಕಣಪ್ಪ" ಎಂದು ಮರಿಗೌಡ ಉಪ್ಪಿಲ್ಲದ ಸಪ್ಪೆ ಇಡ್ಲಿಯ ಮಾದರಿಯಲ್ಲಿ ಹೇಳಿದಾಗ ನಾವು ಇದೇನು ಹಾರರ್  ಎಂದು ಹೆದರಿ "ಹೌ ಕಮ್ ?" ಎಂದು ಹೌಹಾರಿದೆವು. ನಾನು ವಡಾ ಸೂಪ್ ಆರ್ಡರ್ ಮಾಡೋಣ ಎಂದುಕೊಂಡಿದ್ದೆ. ರಾಜಾರಾಂ ಮೆನುವಿನಲ್ಲಿ ದೋಸೆಗಳ ಲಿಸ್ಟ್ ಕಡೆಗೆ ನೋಡುತ್ತಿದ್ದರು. ಒಮ್ಮೆಲೇ ಸಿಂಗಲ್ ಇಡ್ಲಿಗೆ ಇಳಿದ ಮರಿಗೌಡರ ಉತ್ಸಾಹದ ಅಧಃಪತನವನ್ನು ಕಂಡು ನಮಗೆ ದಿಗಿಲಾಯಿತು. "ಗೌಡರೆ ಎಲ್ಲಾ ಆರೋಗ್ಯ ತಾನೇ?" ಎಂದು ನಾನು ಅವರ ಕಡೆಗೆ ನೋಡಿದೆ.  "ನೀವು ದೊಡ್ಡ ಗೌಡರ ಕುಟುಂಬದ ಅಭಿಮಾನಿ ಅಂತ ಗೊತ್ತು. ಅವರಿಗೆ ಬಂದಿರುವ ಕಷ್ಟ ನೋಡಿ ನಿಮಗೆ ತುಂಬಾ ಶಾಕ್ ಆದಹಾಗಿದೆ" ಎಂದು ರಾಜಾರಾಂ ಒಂದು ಗ್ಲಾಸ್ ನೀರನ್ನು ಮರಿಗೌಡರಿಗೆ ಕೊಟ್ಟು *ಕುಡಿದು ಸುಧಾರಿಸಿಕೊಳ್ಳಿ* ಎಂದರು. "ನ್ಯಾಯವಾಗಿ ನೋಡಿದರೆ ನಾನು ಇಡ್ಲಿ ಕೂಡಾ ತಿನ್ನಬಾರದು" ಎಂದು ಮರಿಗೌಡರು ನಮ್ಮನ್ನು ಇನ್ನಷ್ಟು ಸಸ್ಪೆನ್ಸಿಗೆ ನೂಕಿದರು. *ಅಯ್ಯೋ, ಈ ಬಿಸಿಲಿಗೆ ಒಂದೊಂದು ಸಲ ಹೊಟ್ಟೆ ಅಪ್ಸೆಟ್ ಆಗಬಹುದು. ಅದಕ್ಕೆ ಯಾಕೆ ಯೋಚನೆ ಮಾಡ್ತೀರಿ?" "ಅಯ್ಯೋ ನನಗೆ ಏನೂ ಆಗಿಲ್ಲ ಕಣ್ರೀ. ನಮ್ಮ ಮನೆಯವರು ಇವತ್ತು  ಅದೇನೋ ಹೊಸಾ ರೆಸಿಪಿ ಅಂತೆ ಅದನ್ನು ನನ್ನ ಮೇಲೆ ಪ್ರಯೋಗ ಮಾಡಿದರು." "ಯಾವುದು? ರೆಸಿಪಿ ರಮಣಿ ಅವರ ರವಾ ದೋಸಾ ತಾನೇ? ನಮ್ಮ ಮಿಸೆಸ್ ಕೂಡಾ ನೆನ್ನೆ ಮಾಡಿದ್ದರು....