ರವಿ ಕಾಣದ್ದು

ಮೂಲ - ವಿಲಿಯಂ ಶೇಕ್ಸ್ ಪಿಯರ್  ಕನ್ನಡಕ್ಕೆ - ಸಿ ಪಿ ರವಿಕುಮಾರ್  ಈ ವಿಶ್ವವೊಂದು ನಾಟಕರಂಗ, ಎಲ್ಲ ಗಂಡುಹೆಣ್ಣುಗಳೂ ಅಲ್ಲಿ ಪಾತ್ರಧಾರಿಗಳು; ಪ್ರತಿಯೊಬ್ಬರಿಗೂ ಇದೆ ಅವರವರ ಪ್ರವೇಶ-ಪ್ರಸ್ಥಾನ, ಒಬ್ಬ ಮಾನವನಿಗೆ ಒಂದಲ್ಲ ಹಲವಾರು ಪಾತ್ರ: ಅವನ ಏಳು ವಯೋಮಾನಗಳು ಏಳು ನಾಟಕಾಂಕಗಳು.  ಮೊದಲನೆಯ ಅಂಕದಲ್ಲಿ ಹಸುಗೂಸು: ತಾಯ ಕಂಕುಳಲ್ಲಿ ಕಾಲ ಕಳೆಯುವುದು ಬಿಕ್ಕುತ್ತ ಕಕ್ಕುತ್ತ.  ಮುಂದೆ ಶಾಲಾಬಾಲಕ: ಹೊಳೆವ ಕಣ್ಣಿನ ಸುಕುಮಾರ ಮುಖ  ಪಾಟೀಚೀಲ ಹೊರಲಾರದೆ ಹೊತ್ತು  ಬಸವನ ಹುಳು ವೇಗದಲ್ಲಿ ಹೊರಟ ಗಮ್ಮತ್ತು.  ನಂತರ ಪ್ರೇಮಿ, ಹಬೆಯ ಒಲೆಯಂತೆ  ಉಸ್ಸೆಂದು ಆಗಾಗ ನಿಟ್ಟುಸಿರು; ವಿರಹಗೀತೆ  ಪ್ರೇಮಿಕೆಯ ಕುಡಿಹುಬ್ಬನ್ನು ನೆನೆದು.  ಮುಂದೆ ಹೋರಾಡಲು ಹೊರಟ ಹುರಿಯಾಳು, ಚಿರತೆಯ ಮೀಸೆ, ಬಾಯಲ್ಲಿ ವಿಚಿತ್ರ ಆಣೆಮಾತುಗಳು, ಹೊಟ್ಟೆಯಲ್ಲಿ ಮಾತ್ಸರ್ಯದ ಕಿಚ್ಚು  ಭುಗಿಲೆದ್ದು  ಸಿಟ್ಟು ಜಗಳಕ್ಕೆ ತಿರುಗುವುದು; ಗೌರವವು ಕೈಗೆ ಸಿಕ್ಕದ ನೀರಗುಳ್ಳೆ ಅದಕ್ಕಾಗಿ ತೋಪಿನ ಬಾಯಿಗೆ ಕಟ್ಟಿದರೂ ಸೈ! ಮತ್ತೂ ಮುಂದೆ ಪಟೇಲ; ನ್ಯಾಯ ಮಾಡುತ್ತಾನೆ ಧರಿಸುತ್ತಾನೆ ಜರಿಯ ಉತ್ತರೀಯ ಡೊಳ್ಳು ಹೊಟ್ಟೆಯ ಮೇಲೆ  ಮೊನಚಾಗಿದೆ ಕಣ್ ದೃಷ್ಟಿ, ನುಣುಪಾಗಿದೆ ದಾಡಿ, ಬಾಯ್ ಬಿಟ್ಟರೆ ದೃಷ್ಟಾಂತದ ...