ರವಿ ಕಾಣದ್ದು

ದ ಡಾವಿಂಚಿ ಕೋಡ್ ಎಂಬ ಪುಸ್ತಕದ ರಚನೆಯಿಂದ ಯಾರಿಗೆ ಕೋಡು ಮೂಡಿತೋ ಆ ಕಾದಂಬರಿಕಾರ ಡ್ಯಾನ್ ಬ್ರೌನ್; ಇವನು ಒಬ್ಬ ಚಿಹ್ನಾ ಪ್ರಿಯ.  ಅವನು ಸೃಷ್ಟಿಸಿದ ಪಾತ್ರ ರಾಬರ್ಟ್ ಲ್ಯಾಂಗ್ಡನ್ ಹಾರ್ವರ್ಡ್ ವಿಶ್ವವಿದ್ಯಾಲಯದಲ್ಲಿ ಪ್ರಾಧ್ಯಾಪಕ; ಅವನ ಪರಿಣತಿ ಇರುವುದು ಸಿಂಬಾಲಜಿ ಎಂಬ ಕ್ಷೇತ್ರದಲ್ಲಿ. ತಾಳಿ! ಡಿಸ್ನಿಯ ಲಯನ್ ಕಿಂಗ್  ಚಿತ್ರದಲ್ಲಿರುವ ಸಿಂಬಾ ಎಂಬ ಪಾತ್ರಕ್ಕೂ ಸಿಂಬಾಲಜಿಗೂ ಅಷ್ಟೇನೂ ಸಂಬಂಧವಿಲ್ಲ.  ಸಿಂಬಲ್ ಎಂದರೆ ಚಿಹ್ನೆ ಅಥವಾ ಲಾಂಛನ. ಚಿಹ್ನೆಗಳಲ್ಲಿ ಗಹನವಾದ ಪ್ರಶ್ನೆಗಳಿಗೆ ಉತ್ತರಗಳನ್ನು ಹುಡುಕುವುದು ಈ ಕಥಾನಾಯಕನ ಕೌಶಲ್ಯ. ಗೊತ್ತಾಯಿತೆ? ತುಂಬಾ ಸಿಂಬಲ್ ಅಲ್ಲವೇ? ನಮ್ಮ ಡ್ಯಾನ್ ಬ್ರೌನ್ ಈಗ ಭಾರತದೇಶದಲ್ಲಿ ಇರಬೇಕಾಗಿತ್ತು ನೋಡಿ. ಎಲ್ಲಿ ನೋಡಿದರೂ ಚಿಹ್ನೆಗಳೇ ಚಿಹ್ನೆಗಳು! ಪೊರಕೆಯನ್ನು ಕೈಯಲ್ಲಿ ಹಿಡಿದ ರಣಕೇಜರಿ! ಕಮಲವನ್ನು ಕೈಯಲ್ಲಿ ನೇವರಿಸುತ್ತಾ ಕಾಂಮೋದಿ ರಾಗವನ್ನು ಕೇಳುತ್ತಾ ಅರೆನಿಮೀಲಿತ ನಯನನಾಗಿ ಮೇಧಿನೀಪತಿಯಾಗುವ ಕನಸು ಕಾಣುತ್ತಿರುವ ನಮೋ!  ರಾಹು-ಕೇತುಗಳಂತೆ ಬಂದಿರುವ ಈ ಎರಡೂ ಗೃಹಚಾರಗಳ ಕಡೆ ಕರವಸ್ತ್ರವನ್ನು ಬೀಸುತ್ತಾ ಎಡಗೈಯಿಂದ ಪೊರಕೆಯನ್ನೋ ಬಲಗೈಯಿಂದ ಕಮಲವನ್ನೂ ಎದುರಿಸಲು ಸಿದ್ಧತೆ ನಡೆಸುತ್ತಿರುವ ರಾಗಾ.  ಈ ಎಲ್ಲಾ ಚಿಹ್ನೆಗಳನ್ನೂ ಸೇರಿಸಿ ಡ್ಯಾನ್ ಬ್ರೌನ್ ಒಂದು ಅಧ್ಬುತ ಕಾದ...

ಒಂದು ದುಃಖ ದಂತ(ಹ)ಕಥೆ ಮೂಲ (ಇಂಗ್ಲಿಷ್) ಕವಿತೆ - ಡೊರೊತಿ ಪಾರ್ಕರ್  ಕನ್ನಡ ಅನುವಾದ - ಸಿ. ಪಿ. ರವಿಕುಮಾರ್  ನನಗೇ ಗೊತ್ತಾಗಿಲ್ಲ ಇನ್ನೂ, ಗೊತ್ತಾಗಲಾರದು ಮುಂದೆಯೂ ನಾನೇಕೆ ಹೀಗೆ, ಹೀಗೇಕೆ ನಾನೆಂದು. ನೋಡುತ್ತೇನೆ ನನ್ನ ಮುಂದೆಯೇ ಬೇರೆ ಹುಡುಗಿಯರು ಗಂಡುಗಳಲ್ಲಿ ತುಂಬುವುದು ತೀವ್ರತೆಯನ್ನು, ಜ್ವಾಲೆಯ ಭುಗಿಲು ಪಡೆದುಕೊಂಡು ಗಾಜಿನ ಮನೋಹರ ಪಾರದರ್ಶಕ ಸತ್ತ್ವ, ಅನಂತರ ಏಪ್ರಿಲ್ ಮಾಸದ ಹುಲ್ಲಿನ ಮಕಮಲ್ ಮೃದುತ್ವ, ಕೊನೆಗೆ ಬಂಡೆಯಂಥ ಬಾಳಿಕೆ; ನನಗೋ ಇದೆಲ್ಲ ಮರೀಚಿಕೆ. ನನ್ನ ಜೊತೆ ಮನ್ಮಥನ ಹೂಬಾಣಕ್ಕೆ ಸಿಕ್ಕ ಹುಡುಗರು ಏನು ಹೇಳಲಿ, ಮದುವೆಯ ಹೊರಗೆ ಹುಟ್ಟಿದವರು, ನನ್ನ ಹೃದಯ ಮುರಿದು, ನಿಶ್ಶಬ್ದಗೊಳಿಸಿ ನನ್ನ ಹಾಡು ಇನ್ನು ತಡವಾಯ್ತು ಎಂದು ಹೊರಟು ನಿಂತವರು ನನ್ನ ಕಣ್ಣೀರನ್ನು ನೋಡಿ ಅವರು ಕೊಟ್ಟ ಸಮಜಾಯಿಷಿ ಅವರ ತಾಯ್ತಂದೆ ಮುಖ್ಯ, ಮೊದಲವರ ವೃತ್ತಿ. ಇಷ್ಟಾದರೂ ಅನುಭವವು ಕಲಿಸಿತೇ ನನಗೆ ಒಂದಿಷ್ಟು ಜಾಣ್ಮೆ, ಶಾಂತವಾಗಿರುವ ಕಲೆ, ತಿಳುವಳಿಕೆ? ಇಪ್ಪತ್ತೊಂದನೇ ಸಲವಾದರೂ ಹಿಡಿಯಬಹುದೆಂದು ಹೊರಡುವುದಿದೆಯಲ್ಲ ಪರಮಸುಖವನ್ನು  ಅದು ಮೂರ್ಖತನವೆಂದು ಗೊತ್ತಿದ್ದರೂ ನನಗೆ  ಹೊರಟು ನಿಲ್ಲುವೆ ಮತ್ತೆ, ಶಾಪವಾಗಿದೆ ಭರವಸೆ.  ಹಳೆಯದಾಯಿತು ಹೃದಯ ಇಬ್ಭಾಗವಾಗಿರುವ ಚಿತ್ರ  ನನ್ನದೋ ಮೊಸಾಯಿಕ್ ನಂತೆ ವಿಚ್ಛಿದ್ರ - ಈನಡುವೆ ಇದು ...

ಸಿ ಪಿ ರವಿಕುಮಾರ್  ಮಾ ಡುವವರು ಆಡರು, ಆಡುವವರು ಮಾಡರು ಎನ್ನುವುದು ಹಳೆಯ ಕಾಲದ ಮಾತಾಯಿತು. ಇಂದು ಯಾವುದೇ ವಸ್ತುವನ್ನು (ತಯಾರು) ಮಾಡಿದವರು ಆsಡ್ ಮಾಡದಿದ್ದರೆ ಅವರನ್ನು ಯಾರು ಕೇಳುತ್ತಾರೆ ಹೇಳಿ?  ಉದಾಹರಣೆಗೆ  ಒಂದು ಉಪಾಹಾರಗ್ರಹವನ್ನೇ ತೆಗೆದುಕೊಳ್ಳಿ. ದೋಸೆಯ ಘಮಘಮ ಪರಿಮಳವನ್ನು ಆಸ್ವಾದಿಸಿ ಅಥವಾ ದೋಸೆಗೂ   ಹಂಚಿಗೂ ನಡೆಯುವ  ಚೊಂಯ್  ಎಂಬ ಪ್ರೇಮಸಲ್ಲಾಪದಿಂದ  ಆಕರ್ಷಿತರಾಗಿ ಜನ ಉಪಾಹಾರಗ್ರಹಗಳಿಗೆ ಮುತ್ತುತ್ತಿದ್ದ ಕಾಲ ಒಂದಿತ್ತು. ದೋಸೆ ಎಂದರೆ ಬರೀ ದೋಸೆ ಮಾತ್ರ ಆಗಿದ್ದ ಕಾಲವದು. ಇದು ಹೇಳಿ ಕೇಳಿ ಇನೊವೇಶನ್ ಯುಗ! ಒಂದು ತೊಂಬತ್ತೊಂಬತ್ತು ವಿಧದ ದೋಸೆಗಳಾದರೂ ಇಂದು ಇವೆ.  "ಚಿನ್ನದ ಬಣ್ಣ ಬರುವವರೆಗೂ ಕಾವಲಿಯ ಮೇಲೆ ಬೇಯಿಸಿ" ಎಂಬ ಸೂಚನೆಯನ್ನು ಹಿಂದೆ ಅಡುಗೆ ಸಾಹಿತ್ಯದಲ್ಲಿ ಕಾಣಬಹುದಿತ್ತು. ಇಂದು ಈ ಸೂಚನೆಗೆ ವಿಭಿನ್ನ ಅರ್ಥವಿದೆ! ಏಕೆಂದರೆ ಚಿನ್ನದ ಹಾಳೆಯನ್ನೇ  ಆಲೂಗಡ್ಡೆ ಪಲ್ಯದ ಮೇಲೆ ಏರಿಸಿ ಗೋಲ್ಡನ್ ದೋಸಾ ತಯಾರಿಸಿದ್ದಾರೆ!  ಕ್ಷಮಿಸಿ, ಮಾತು ಎಲ್ಲಿಗೋ ಹೋಯಿತು.  ಉಪಾಹಾರಗ್ರಹದಲ್ಲಿ  ಇಂಥ ಹೊಸಹೊಸ ಬಗೆಯ ದೋಸೆಗಳನ್ನು  ಮಾಡಿದವನು  ಅವುಗಳ ಬಗ್ಗೆ ಗಟ್ಟಿಯಾಗಿ ಆಡದಿದ್ದರೆ ಯಾರಿಗೆ ಗೊತ್ತಾಗುತ್ತದೆ? ತನಗೆ ಸಾಟಿಯೇ ಇಲ್ಲವೆಂದು ಜಂಬ ಪಡುತ್ತಿದ್ದ ಮಸಾಲೆದೋಸೆಗೆ ಜಬರ್ದಸ್ತ್ ಪೈಪೋಟಿಯಾಗಿ ಪೀಟ್ಜಾ, ಬರ್ಗರ್ ಬಂದಿವೆ! ಹೀಗಾಗಿ ...

ಸಿ. ಪಿ. ರವಿಕುಮಾರ್ ಟಿ.ವಿ.ಯಲ್ಲಿ ನೋಡಿ ಕಲಿತ ಉಸಿರಾಡುವ ವಿಶ್ವಾಸ ಅನುಲೋಮ್  ವಿಲೋಮ್ ಶ್ವಾಸ ನಿಃಶ್ವಾಸ ನಂತರ ಬಂದದ್ದು ಕಾರ್ಟೂನ್ ಇಲಿ ಬೆಕ್ಕು ಮಮ್ಮಿ ಡ್ಯಾಡಿಯ ಮುದ್ದಿನ ಸೊಕ್ಕು ಜೋಗುಳ ಹಾಡಿದಳೇನೋ ತಾಯಿ ಕೇಳಿಸಿಕೊಳ್ಳಲಿಲ್ಲ ಇವನ ಕಿವಿ ಎಫ್ ಎಮ್ ರೇಡಿಯೋ ಬೀಟ್ಸ್ ಲಯದಲ್ಲಿ ಪೆಚ್ಚಾಗಿ ಸುಮ್ಮನಾದ ಜೋ ಜೋ ಕವಿ ಪ್ಯಾಕೆಟ್ ದಯಪಾಲಿಸುವುದು ಪ್ರತಿನಿತ್ಯ ಹಾಲು ಊದದಿದ್ದರೂ ಉಸಿರು ಹಿಡಿದು ಕೊಳಲು ಇವನು ಬೆಣ್ಣೆ ಕದಿಯಲಿಲ್ಲ; ಫ್ರಿಜ್ ನಲ್ಲಿದೆ ಅದರ ಪಾಡಿಗೆ ಬರ್ಗರ್ ಪೀಟ್ಜಾ  ಕೋಲಾ  ಇವುಗಳದೆ ನಡಿಗೆ ಕೊಳ್ಳುವ ಮುನ್ನವೇ ಇವನಿಗೆ ಚಡ್ಡಿ ಮನೆಗೆ ಬಂದಿತು ಮುದ್ದು ಟೆಡ್ಡಿ ಬರ್ತ್ ಡೇ ಸಂಭ್ರಮಕ್ಕೆ ಕೇಕ್ ಕತ್ತರಿಸಿ ಉಡುಗೊರೆಗೆ ಪ್ರತಿ ಉಡುಗೊರೆಯ ಬಿತ್ತರಿಸಿ ನೀಲ ಮೇಘ ಶ್ಯಾಮ ಇತ್ಯಾದಿ  ರೂಪಕ ಇವನಿಗಿಂತ ಇವನ ನೀಲಿ ಜೀನ್ಸ್ ಗೆ ವ್ಯಾಪಕ ಎಷ್ಟು ನೀಲಮಯವಾಗಿದೆ ಇವನ ಜೀನ್ಸ್ ಆಹಾ! ಕಾಶಿ ಪೀತಾಂಬರ ಶ್ರೀಗಂಧ ಸ್ವಾಹಾ ಸ್ವಾಹಾ (c) 2014  C.P. Ravikumar The call of Krishna's flute