ನನ್ನ ಕಂಪ್ಯೂಟರ್ ಮೇಲೆ ಕನ್ನಡದಲ್ಲಿ ಟೈಪ್ ಮಾಡುವುದು ಹೇಗೆ?

ಸಿ ಪಿ ರವಿಕುಮಾರ್

1.      ಟ್ರಾನ್ಸ್-ಲಿಟರೇಷನ್ ಎಂದರೇನು?

ನಿಮ್ಮ ಬಳಿ ಇರುವುದು ಇಂಗ್ಲಿಷ್ ಅಕ್ಷರಗಳ ಕೀ ಬೋರ್ಡ್. ನೀವು ಇಂಗ್ಲಿಷ್ ಬೆರಳಚ್ಚು ಬಳಸಿ kamala ಎಂದು ಟೈಪ್ ಮಾಡಿದರೆ ಅದನ್ನು ಟ್ರಾನ್ಸ್-ಲಿಟರೇಷನ್ ಎಂಬ ಪ್ರಕ್ರಿಯೆ ಮೂಲಕ ಕನ್ನಡದ ‘ಕಮಲ’ ಎಂದು ಸಾಫ್ಟ್ ವೇರ್ ಅರ್ಥ ಮಾಡಿಕೊಳ್ಳುತ್ತದೆ. ಇಂಥ ಸಾಫ್ಟ್ ವೇರ್ ಅಥವಾ ತಂತ್ರಾಂಶಕ್ಕೆ ಟ್ರಾನ್ಸ್-ಲಿಟರೇಟರ್  ಎಂದು ಹೆಸರು.

2.     ಕನ್ನಡದಲ್ಲಿ ಟೈಪ್ ಮಾಡಲು ಇರುವ ತಂತ್ರಾಂಶಗಳು ಯಾವುವು?

ಬರಹ ಮತ್ತು ನುಡಿ ಇವೆರಡೂ ಸ್ವತಂತ್ರವಾಗಿ ಕನ್ನಡ ಬರವಣಿಗೆಗೆ ಉಪಯೋಗವಾಗುವ ತಂತ್ರಾಂಶಗಳು.  ಮೈರ್ಕೋಸಾಫ್ಟ್ ಆಫೀಸ್ ಮೊದಲಾದ ತಂತ್ರಾಂಶಗಳು ಈಗಾಗಲೇ ನಿಮಗೆ ಲಭ್ಯವಾಗಿದ್ದರೆ ಅವುಗಳನ್ನೇ ಟ್ರಾನ್ಸ್-ಲಿಟರೇಷನ್ ಪ್ರಕ್ರಿಯೆಗೆ ಹೊಂದಿಸಿಕೊಳ್ಳಬಹುದು.

3.     ಯೂನಿಕೋಡ್ ಎಂದರೆ ಏನು?

ಹಿಂದೆ ಇಂಗ್ಲಿಷ್ ಅಕ್ಷರಗಳನ್ನು ಮಾತ್ರ ಟೈಪ್ ಮಾಡುವುದು ಸಾಧ್ಯವಿತ್ತು. ಇದಕ್ಕಾಗಿ ಆಸ್ಕಿ ಕೋಡ್ ಎಂಬುದನ್ನು  ಆವಿಷ್ಕರಿಸಲಾಯಿತು. ಇತ್ತೀಚೆಗೆ ಕನ್ನಡ ಮತ್ತಿತರ ಭಾಷೆಗಳ ಅಕ್ಷರಗಳನ್ನು ಕಡತಗಳಲ್ಲಿ ಸೇರಿಸಲು ಯೂನಿಕೋಡ್ ಎಂಬ ಅಕ್ಷರಮಾಲೆಯನ್ನು ಆವಿಷ್ಕರಿಸಲಾಗಿದೆ. ಇದನ್ನು ಬಹುತೇಕ ಎಲ್ಲಾ ತಂತ್ರಾಂಶಗಳೂ ಅರ್ಥ ಮಾಡಿಕೊಳ್ಳುವುದರಿಂದ ಯೂನಿಕೋಡ್ ಬಳಸಿ ಟೈಪ್ ಮಾಡುವುದು ಒಳಿತು.

4.    ಮೈಕ್ರೋಸಾಫ್ಟ್ ಬಳಕೆದಾರರಿಗೆ ಉಪಯೋಗವಾಗುವ ಒಂದು ಟ್ರಾನ್ಸ್-ಲಿಟರೇಟರ್ ಯಾವುದು?

ಇದಕ್ಕೆ ಮೈಕ್ರೋಸಾಫ್ಟ್ ಕಂಪನಿ ಮುಕ್ತವಾದ ತಂತ್ರಾಂಶ ಲಭ್ಯಗೊಳಿಸಿದೆ - http://www.microsoft.com/kn-in/download/details.aspx?id=20385 ; ಇದು ಯೂನಿಕೋಡ್ ಬಳಸಿ ತಯಾರು ಮಾಡಿದ ತಂತ್ರಾಂಶ.  ಕನ್ನಡ ಫಾಂಟ್ ಮೊದಲಾದ ತಂತ್ರಾಂಶಗಳನ್ನು ಇನ್ಸ್ಟಾಲ್ ಮಾಡಿದ ಮೇಲೆ ನೀವು “ಲಾಂಗ್ವೇಜ್ ಟೂಲ್-ಬಾರ್ ಮೂಲಕ ನಿಮ್ಮ ಭಾಷೆಯನ್ನು ಇಂಗ್ಲಿಷ್/ಕನ್ನಡ ಯಾವುದು ಬೇಕೋ ಅದನ್ನು ಆಯ್ಕೆ ಮಾಡಿಕೊಳ್ಳಬಹುದು. ಈಗ ನಾನು ಟೈಪ್ ಮಾಡುತ್ತಿರುವುದು ಮೈಕ್ರೋಸಾಫ್ಟ್ ವರ್ಡ್ ಎಂಬ ತಂತ್ರಾಂಶದಲ್ಲಿ. ಆದರೆ ನಾನು ಭಾಷೆಯನ್ನು “ಕನ್ನಡ” ಎಂದು ಆಯ್ಕೆ ಮಾಡಿಕೊಂಡಿದ್ದೇನೆ. ವರ್ಡ್ ಮಾತ್ರವಲ್ಲ ಪವರ್ ಪಾಯಿಂಟ್ ಮೊದಲಾದ ಎಲ್ಲಾ ತಂತ್ರಾಂಶಗಳಲ್ಲೂ ನಾನು ಕನ್ನಡ ಟೈಪ್ ಮಾಡಬಹುದು.

5.     ಗೂಗಲ್ ಕನ್ನಡ ಟ್ರಾನ್ಸ್-ಲಿಟರೇಟರ್ ಎಲ್ಲಿ ಸಿಕ್ಕುತ್ತದೆ?

ಗೂಗಲ್ ಸಂಸ್ಥೆಯ ಟ್ರಾನ್ಸ್-ಲಿಟರೇಟರ್ ಇಲ್ಲಿ ಉಪಯೋಗಿಸಿ - http://www.google.com/intl/kn/inputtools/try/  ಈ ವೆಬ್-ತಾಣಕ್ಕೆ ಹೋಗಿ ನೀವು ಇಂಗ್ಲಿಷ್ ಕೀ-ಬೋರ್ಡಿನಲ್ಲಿ ka ಎಂದು ಟೈಪ್ ಮಾಡಿದರೆ ತೆರೆಯ ಮೇಲೆ ‘ಕ’ ಮೂಡುತ್ತದೆ.  ಈ ತಂತ್ರಾಂಶ ಕೂಡಾ ಯೂನಿಕೋಡ್ ಬಳಸಿ ಸಿದ್ಧಗೊಳಿಸಲಾಗಿದೆ.

6.     ಟ್ರಾನ್ಸ್-ಲಿಟರೇಟರ್ ಬಳಸಬೇಕಾದಾಗ ಏನು ಎಚ್ಚರಿಕೆ ವಹಿಸಬೇಕು?

ಟ್ರಾನ್ಸ್-ಲಿಟರೇಟರ್ ನೀವು ಏನು ಹೇಳಲು ಬಯಸುತ್ತಿದ್ದೀರಿ ಎನ್ನುವುದನ್ನು  ಊಹಿಸಲು ಪ್ರಯತ್ನಿಸುತ್ತದೆ. kamala ಎನ್ನುವುದನ್ನು ನಾವು ಕಮಲ, ಕಾಮಲ, ಕಮಾಲ, ಕಮಲಾ, ಕಮಳ ಇತ್ಯಾದಿಯಾಗಿ ಓದಿಕೊಳ್ಳಬಹುದು! ಇಂದಿನ ಟ್ರಾನ್ಸ್-ಲಿಟರೇಟರ್ ತಂತ್ರಾಂಶಗಳು ನಿಮಗೆ ಮೆನು ಮೂಲಕ ಹಲವು ಸಾಧ್ಯತೆಗಳನ್ನು ತೋರಿಸಿ ನಿಮ್ಮ ಆಯ್ಕೆಗಾಗಿ ಕಾಯುತ್ತವೆ. ದ ಮತ್ತು ದ, ಲ ಮತ್ತು ಳ, ದ ಮತ್ತು ಧ, ... ಇದನ್ನೆಲ್ಲಾ ಟೈಪ್ ಮಾಡಲು ಸ್ವಲ್ಪ ಜಾಗರೂಕತೆ ವಹಿಸಬೇಕು.  ಢ ಎಂಬುದಕ್ಕೆ Dha ಎಂದು ಟೈಪ್ ಮಾಡಬೇಕು.  ಹೃಸ್ವ ಮತ್ತು ದೀರ್ಘ, ಅಲ್ಪಪ್ರಾಣ-ಮಹಾಪ್ರಾಣ –ಇವುಗಳನ್ನು ಬರೆಯುವಾಗ ಜಾಗ್ರತೆ ವಹಿಸಿ. karu ಇಂದಾಗ ಕರು ಎಂದೂ karU ಎಂದು ಬರೆದಾಗ ಕರೂ ಎಂದೂ ತಂತ್ರಾಂಶ ಅರ್ಥ ಮಾಡಿಕೊಳ್ಳುತ್ತದೆ. ತೆರೆಯ ಮೇಲೆ ಏನು ಮೂಡುತ್ತಿದೆ ಅನ್ನುವುದನ್ನು ನೋಡಿದರೆ ಒಳಿತು. ಸ್ವಲ್ಪ ಹೊತ್ತು ಟೈಪಿಂಗ್ ಪ್ರಯತ್ನಿಸಿದರೆ ನಿಮಗೆ ರೂಢಿಯಾಗುತ್ತದೆ. ಕನ್ನಡ ಟ್ರಾನ್ಸ್-ಲಿಟರೇಟರ್ ತಂತ್ರಾಂಶಗಳಲ್ಲಿ ಇನ್ನೂ ತುಂಬಾ ಸುಧಾರಣೆ ನಡೆಯಬೇಕಾಗಿದೆ. ಆದರೆ ಈಗ ಇರುವ ತಂತ್ರಾಂಶಗಳನ್ನು ಜಾಗರೂಕತೆಯಿಂದ ಬಳಸಿದರೆ ಏನೂ ತೊಂದರೆ ಇಲ್ಲದೆ ಟೈಪ್ ಮಾಡಬಹುದು.

7.     ಫೇಸ್ ಬುಕ್ ಮೊದಲಾದ ಕಡೆ ಕನ್ನಡ ಬಳಸುವುದು ಹೇಗೆ?

ನೀವು ಕಂಪ್ಯೂಟರ್ ಬಳಸಿ ಫೇಸ್ ಬುಕ್ ಬಳಸುತ್ತಿದ್ದರೆ ಹೀಗೆ ಮಾಡಬಹುದು. ಮೈಕ್ರೋಸಾಫ್ಟ್ ಲಾಂಗ್ವೇಜ ಟೂಲ್-ಬಾರ್ ಬಳಸಿ ಫೇಸ್ ಬುಕ್ ಮೇಲೆ ನೇರವಾಗಿ ಕನ್ನಡ ಬರೆಯಬಹುದು. ಅಥವಾ ಗೂಗಲ್ ಟ್ರಾನ್ಸ್-ಲಿಟರೇಟರ್ ಮೇಲೆ ಬರೆದದ್ದನ್ನು ಕಟ್-ಪೇಸ್ಟ್ ಮಾಡಬಹುದು.



ಈ ಬರವಣಿಗೆ ನಿಮಗೆ ಉಪಯುಕ್ತವಾಯಿತೆ? ಇಲ್ಲವಾದರೆ ಖಂಡಿತ ಕಾಮೆಂಟ್ ಮೂಲಕ ತಿಳಿಸಿ. 

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

"ಬಾರಿಸು ಕನ್ನಡ ಡಿಂಡಿಮವ" - ಒಂದು ಮರು ಓದು

ಇಮೇಜ್
ಸಿ ಪಿ ರವಿಕುಮಾರ್  "ಬಾರಿಸು ಕನ್ನಡ ಡಿಂಡಿಮವ" ಎನ್ನುವುದು ಕನ್ನಡ ಪ್ರಚಾರಗೀತೆ ಎನ್ನುವಂತೆ ಮೇಲ್ನೋಟಕ್ಕೆ ತೋರುತ್ತದೆ. ಆದರೆ ಕವಿತೆಯನ್ನು ಪೂರ್ಣವಾಗಿ ಓದಿದರೆ ಅದು ಕುವೆಂಪು ಅವರು ಕನ್ನಡಿಗರ ಜಾಯಮಾನಕ್ಕೆ ನೊಂದು, ಬದಲಾವಣೆಗಾಗಿ ಪ್ರಾರ್ಥನಾರೂಪದಲ್ಲಿ  ಬರೆದ ಪದ್ಯ ಎಂಬ ತಿಳುವಳಿಕೆ ಮೂಡುತ್ತದೆ. ಬಾರಿಸು ಕನ್ನಡ ಡಿಂಡಿಮವ ಓ ಕರ್ನಾಟಕ ಹೃದಯ ಶಿವ! ಕರ್ನಾಟಕದ ಹೃದಯ ಮಿಡಿಯಬೇಕಾದದ್ದು ಕನ್ನಡಕ್ಕೆ. ಆದರೆ ಅಲ್ಲಿ ಬೇರೆ ಭಾಷೆಗಳ ಮಿಡಿತವೇ ಹೆಚ್ಚು. ಕುವೆಂಪು ಅವರ ಕಾಲದಲ್ಲೂ ಇದು ಹಾಗೇ ಇತ್ತು, ಈಗಲೂ ಹಾಗೇ ಇದೆ!    ಹೇಗೆ ಶಿವ ತನಗೆ ಸಹಜವಾದ ಡಿಂಡಿಮ ಬಾರಿಸಬೇಕೋ ಹಾಗೇ ಕರ್ನಾಟಕದ ಹೃದಯ-ಶಿವ ಕನ್ನಡವೆಂಬ ಡಿಂಡಿಮ ಬಾರಿಸಬೇಕು ಎಂಬುದು ಕವಿಯ ನೊಂದ ಮನದ ಮೊರೆ. "ಬಾರಿಸು ಕನ್ನಡ ಡಿಂಡಿಮವ "ಎಂಬಲ್ಲಿ "ಕನ್ನಡ" ಶಬ್ದಕ್ಕೆ ಒತ್ತು.  ಸತ್ತಂತಿಹರನು ಬಡಿದೆಚ್ಚರಿಸು! ಕಚ್ಚಾಡುವರನು ಕೂಡಿಸಿ ಒಲಿಸು! ಹೊಟ್ಟೆಯ ಕಿಚ್ಚಿಗೆ ಕಣ್ಣೀರ್ ಸುರಿಸು! ಒಟ್ಟಿಗೆ ಬಾಳುವ ತೆರದಲಿ ಹರಸು! ಕನ್ನಡ ಜನರಲ್ಲಿ ಒಗ್ಗಟ್ಟಿಲ್ಲ ಎನ್ನುವುದನ್ನು  ಕುವೆಂಪು ಮನಗಂಡಿದ್ದರು. ಏಕೀಕರಣದ ಸಮಯದಲ್ಲಿ ಕೂಡಾ ಒಡಕು ಧ್ವನಿಗಳಿದ್ದವು.  "ಅಖಂಡ ಕರ್ನಾಟಕ" ಪದ್ಯದಲ್ಲಿ ಇಂಥ ಒಡಕು ಧ್ವನಿಗಳನ್ನು ಎತ್ತುವ ಜನನಾಯಕರ ಬಗ್ಗೆ ಕುವೆಂಪು "ಮುಚ್ಚು ಬಾಯಿ" ಎಂಬ ರೀತಿಯಲ್ಲಿ ಗುಡುಗಿದ್ದಾರೆ. ಆದರೆ ...
ಇನ್ನಷ್ಟು ಓದಿ

ಕರ್ನಾಟಕ ನಾಡಗೀತೆ - ಒಂದು ಸರಳ ಅರ್ಥವಿವರಣೆ

ಇಮೇಜ್
ಸಿ. ಪಿ. ರವಿಕುಮಾರ್  ಕರ್ನಾಟಕ ನಾಡಗೀತೆಯನ್ನು ಹಾಡುವವರಿಗೆ/ಕೇಳುವವರಿಗೆ  ಅದರ ಅರ್ಥ ತಿಳಿಯದೇ ಇದ್ದರೆ ಈ ಬ್ಲಾಗ್ ಬರಹವನ್ನು ಅವರು ಓದಬಹುದು. ಆದಷ್ಟೂ ಸರಳವಾಗಿ ಕವಿತೆಯ ಸಾರವನ್ನು ಹಿಡಿದಿಡಲು ಪ್ರಯತ್ನಿಸಿದ್ದೇನೆ.   ಈ ವಿಶಿಷ್ಟ ಕವಿತೆಯಲ್ಲಿ  ಕುವೆಂಪು ಭಾರತವನ್ನು ತಾಯಿಯಂತೆ ಮತ್ತು ಕರ್ನಾಟಕವನ್ನು ಮಗಳಂತೆ ಕಲ್ಪಿಸಿಕೊಂಡಿದ್ದಾರೆ.  ಇದನ್ನು ಅವರು ರಚಿಸಿದ್ದು ತಮ್ಮ ಹದಿಹರೆಯದಲ್ಲಿ. ಭಾರತಮಾತೆಯ ಮಗಳಾದ ಕರ್ನಾಟಕಮಾತೆಗೆ ಜಯವಾಗಲಿ ಎಂದು ನಾಡಗೀತೆ ಪ್ರಾರಂಭವಾಗುತ್ತದೆ. ಇಡೀ ಗೀತೆಯ ಉದ್ದಕ್ಕೂ ಅತ್ತ ಭಾರತಮಾತೆಯ ಹಿರಿಮೆ, ಇತ್ತ ಕರ್ನಾಟಕಮಾತೆಯ ಹಿರಿಮೆ ಇವುಗಳನ್ನು ಒಟ್ಟಿಗೆ ಕೊಂಡಾಡುವ ವಿಶಿಷ್ಟ ಪ್ರಯೋಗವನ್ನು ಕುವೆಂಪು ಮಾಡಿದ್ದಾರೆ. ರಾಷ್ಟ್ರವನ್ನೂ ಮತ್ತು ರಾಜ್ಯವನ್ನೂ ಏಕಕಾಲದಲ್ಲಿ ಸ್ತುತಿಸುವ ನಾಡಗೀತೆಯನ್ನು ಮತ್ತೊಮ್ಮೆ ಕೇಳಿ. ಜೈ ಭಾರತ ಜನನಿಯ ತನುಜಾತೆ ಜಯಹೇ ಕರ್ನಾಟಕ ಮಾತೆ! ಇಲ್ಲಿ ಕುವೆಂಪು ಭಾರತವನ್ನು ತಾಯಿಯಂತೆ ಮತ್ತು ಕರ್ನಾಟಕವನ್ನು ಮಗಳಂತೆ ಕಲ್ಪಿಸಿಕೊಂಡಿದ್ದಾರೆ. ಭಾರತಮಾತೆಯ ಮಗಳಾದ ಕರ್ನಾಟಕಮಾತೆಗೆ ಜಯವಾಗಲಿ ಎಂದು ನಾಡಗೀತೆ ಪ್ರಾರಂಭವಾಗುತ್ತದೆ. ಇಡೀ ಗೀತೆಯ ಉದ್ದಕ್ಕೂ ಅತ್ತ ಭಾರತಮಾತೆಯ ಹಿರಿಮೆ, ಇತ್ತ ಕರ್ನಾಟಕಮಾತೆಯ ಹಿರಿಮೆ ಇವುಗಳನ್ನು ಒಟ್ಟಿಗೆ ಕೊಂಡಾಡುವ ವಿಶಿಷ್ಟ ಪ್ರಯೋಗವನ್ನು ಕುವೆಂಪು ಮಾಡಿದ್ದಾರೆ. ರಾಷ್ಟ್ರವನ್ನೂ ಮತ್ತು ರಾಜ್ಯವನ್ನೂ ಏಕಕಾಲದಲ್ಲ...
ಇನ್ನಷ್ಟು ಓದಿ

ಆಡು ಮುಟ್ಟದ ಸೊಪ್ಪಿಲ್ಲ (ಹರಟೆ)

ಇಮೇಜ್
ಸಿ ಪಿ ರವಿಕುಮಾರ್  ಮಾ ಡುವವರು ಆಡರು, ಆಡುವವರು ಮಾಡರು ಎನ್ನುವುದು ಹಳೆಯ ಕಾಲದ ಮಾತಾಯಿತು. ಇಂದು ಯಾವುದೇ ವಸ್ತುವನ್ನು (ತಯಾರು) ಮಾಡಿದವರು ಆsಡ್ ಮಾಡದಿದ್ದರೆ ಅವರನ್ನು ಯಾರು ಕೇಳುತ್ತಾರೆ ಹೇಳಿ?  ಉದಾಹರಣೆಗೆ  ಒಂದು ಉಪಾಹಾರಗ್ರಹವನ್ನೇ ತೆಗೆದುಕೊಳ್ಳಿ. ದೋಸೆಯ ಘಮಘಮ ಪರಿಮಳವನ್ನು ಆಸ್ವಾದಿಸಿ ಅಥವಾ ದೋಸೆಗೂ   ಹಂಚಿಗೂ ನಡೆಯುವ  ಚೊಂಯ್  ಎಂಬ ಪ್ರೇಮಸಲ್ಲಾಪದಿಂದ  ಆಕರ್ಷಿತರಾಗಿ ಜನ ಉಪಾಹಾರಗ್ರಹಗಳಿಗೆ ಮುತ್ತುತ್ತಿದ್ದ ಕಾಲ ಒಂದಿತ್ತು. ದೋಸೆ ಎಂದರೆ ಬರೀ ದೋಸೆ ಮಾತ್ರ ಆಗಿದ್ದ ಕಾಲವದು. ಇದು ಹೇಳಿ ಕೇಳಿ ಇನೊವೇಶನ್ ಯುಗ! ಒಂದು ತೊಂಬತ್ತೊಂಬತ್ತು ವಿಧದ ದೋಸೆಗಳಾದರೂ ಇಂದು ಇವೆ.  "ಚಿನ್ನದ ಬಣ್ಣ ಬರುವವರೆಗೂ ಕಾವಲಿಯ ಮೇಲೆ ಬೇಯಿಸಿ" ಎಂಬ ಸೂಚನೆಯನ್ನು ಹಿಂದೆ ಅಡುಗೆ ಸಾಹಿತ್ಯದಲ್ಲಿ ಕಾಣಬಹುದಿತ್ತು. ಇಂದು ಈ ಸೂಚನೆಗೆ ವಿಭಿನ್ನ ಅರ್ಥವಿದೆ! ಏಕೆಂದರೆ ಚಿನ್ನದ ಹಾಳೆಯನ್ನೇ  ಆಲೂಗಡ್ಡೆ ಪಲ್ಯದ ಮೇಲೆ ಏರಿಸಿ ಗೋಲ್ಡನ್ ದೋಸಾ ತಯಾರಿಸಿದ್ದಾರೆ!  ಕ್ಷಮಿಸಿ, ಮಾತು ಎಲ್ಲಿಗೋ ಹೋಯಿತು.  ಉಪಾಹಾರಗ್ರಹದಲ್ಲಿ  ಇಂಥ ಹೊಸಹೊಸ ಬಗೆಯ ದೋಸೆಗಳನ್ನು  ಮಾಡಿದವನು  ಅವುಗಳ ಬಗ್ಗೆ ಗಟ್ಟಿಯಾಗಿ ಆಡದಿದ್ದರೆ ಯಾರಿಗೆ ಗೊತ್ತಾಗುತ್ತದೆ? ತನಗೆ ಸಾಟಿಯೇ ಇಲ್ಲವೆಂದು ಜಂಬ ಪಡುತ್ತಿದ್ದ ಮಸಾಲೆದೋಸೆಗೆ ಜಬರ್ದಸ್ತ್ ಪೈಪೋಟಿಯಾಗಿ ಪೀಟ್ಜಾ, ಬರ್ಗರ್ ಬಂದಿವೆ! ಹೀಗಾಗಿ ...
ಇನ್ನಷ್ಟು ಓದಿ