ರವಿ ಕಾಣದ್ದು

ಸಿ. ಪಿ. ರವಿಕುಮಾರ್ ಎಡತುದಿಯಲ್ಲಿ ಕುಳಿತವನೊಬ್ಬ ತಾನು ಕುಳಿತ ರೆಂಬೆಯನ್ನು ಕೊಡಲಿಯಿಂದ ಕಡಿಯುತ್ತಿದ್ದ. ಇನ್ನಿಬ್ಬರು ಬಲತುದಿಯಲ್ಲಿ ಕುಳಿತು ಪುಟ್ಟ ಚಾಕುವಿನಿಂದ ರೆಂಬೆಯನ್ನು ಕೆತ್ತುತ್ತಿದ್ದರು. ಎಡತುದಿಯಲ್ಲಿ ಕುಳಿತವನಿಗೂ ಬಲತುದಿಯಲ್ಲಿ ಕುಳಿತವರಿಗೂ ಒಬ್ಬರನ್ನು ಕಂಡರೆ ಒಬ್ಬರಿಗೆ ಆಗುತ್ತಿರಲಿಲ್ಲ. ಹಿರಿಯನೊಬ್ಬ ಬಲತುದಿಯಲ್ಲಿ ಕುಳಿತಿದ್ದ ಇಬ್ಬರಿಗೆ ಬುದ್ಧಿ ಹೇಳಲು ಹೋದ. "ನಮಗೆ ಯಾಕೆ ಹೇಳುತ್ತೀ? ಅಲ್ಲಿ ನೋಡು, ಕೊಡಲಿಯಿಂದ ಕೊಚ್ಚುವವನಿಗೆ ಹೋಗಿ ಹೇಳು" ಎಂದು ಅವರು ಗದರಿದರು. ಹಿರಿಯ ಅವರಿಗೆ ಹೇಳಲು ಹೋದಾಗ "ವಾಹ್! ಅವರು ಇಬ್ಬರು ಸೇರಿ ಕೆತ್ತುತಾ ಇದ್ದಾರೆ, ನೀನು ನನಗೆ ಹೇಳೋಕೆ ಬರ್ತೀಯಲ್ಲ!" ಅಂತ ಬೈಸಿಕೊಂಡ. ರೆಂಬೆ ಇದನ್ನೆಲ್ಲಾ ಕೇಳಿಸಿಕೊಂಡು ದುಃಖ ತಾಳಲಾರದೇ ಧೊಪ್ ಎಂದು ನೆಲ ಕಚ್ಚಿತು. #ಅತಿಸಣ್ಣಕತೆ

(1) ಪಾಟೀಚೀಲ ಯಾವ್ ಪಾಟಿ ಭಾರ ಪಾಟಿ ಚೀಲ ನೋಡಿದ್ರಾ! ಬಾಯಿಗೆ ತುರುಕಿ ಬರ್ಗರ್ ನುಂಗು ಅಂತ ಆರ್ಡರ್! ಏನ್ರೀ ಅತ್ಯಾಚಾರ! (2) ಸ್ಟೇಟಸ್ ನಮ್ಮನೇಲ್ ಗಣೇಶ್ ಪೂಜಾ ಅಂತ ಸ್ಟೇಟಸ್ ಹಾಕಿದ್ ಸರೋಜಾ ಬೈ ಮಿಸ್ಟೇಕ್ ಮಾಡ್ಬಿಟ್ರು ಶೇರು ಗಂಡನಿಗೆ ಲಾಡು ಬಡಿಸೋ ಪಿಕ್ಚರ್ರು ಅಯ್ಯೋ! ಲೈಕ್ಸ್ ಬರ್ತಿವೆ ರಾಜಾರೋಷ! (3) ರೀ ಮಿಂಚಂಚೆಗೆ ಎಷ್ಟು ಮರ್ಯಾದೆ ನೋಡ್ರೀ ಹಾಕತ್ತೆ ಸಬ್ಜೆಕ್ಟ್ ಲೈನ್ ನಲ್ಲಿ ಮರ್ಯಾದೆಗೆ Re: ಕೆಲವು ಸಲ ರಿಪ್ಲೈ ಮೇಲ್ ರಿಪ್ಲೈ ಮರ್ಯಾದೆ ಸ್ವಲ್ಪ ಅತಿಯಾಗಿ ಅಪ್ಲೈ ಹಾಗಾಗಿ Re: Re: Re: Re: Re ! (4) ಹುಲುಮಾನವ ಯಾದವನೊಬ್ಬ ಹಿಂದೊಮ್ಮೆ ಕದಿಯುತ್ತಿದ್ನಂತೆ ಬೆಣ್ಣೆ ಎಂಥಾ ಕಾಲ ಬಂತು ಮಾರಾಯ ಕದ್ದ ಮುಂದೊಬ್ಬ ಯಾದವರಾಯ ಹಸುವಿಗಿಟ್ಟ ಹುಲ್ಲನ್ನೇ (5)  ಹೋಲಿ ಸಿಟಿ ಬೆಂಗಳೂರ್ಗೆ "ಹೋಲಿ ಸಿಟಿ" ಅನ್ನುವಂಥಾ ಸ್ಥಿತಿ! ನೋಡಿದ್ ಕಡೆ ಪಾಟ್ ಹೋಲ್ಉ ವಾಹನಗಳಿಗೋ ಗೋಳು ಹಾಗಿದೆ ರಸ್ತೆ ಗತಿ!

ಮೂಲ - ಖಲೀಲ್ ಗಿಬ್ರಾನ್ ಕನ್ನಡಕ್ಕೆ - ಸಿ. ಪಿ. ರವಿಕುಮಾರ್    ಕೊಟ್ಟು ನನ್ನ ಕೈಗೆ ಕೊಳಲು ಹಾಡು ನೀನು ಗೀತೆ - ನಿನಗೆ ಗೊತ್ತೇ? ಹಾಡಿನಲ್ಲಿದೆ ಅನಂತತೆ ನಾವು ನಾಶವಾದ ನಂತರವೂ ಕೊಳಲಿನ ವಿಲಾಪ ಕೇಳುತ್ತದೆ.  ನನ್ನಂತೆ ಗದ್ದಲದಿಂದ ದೂರವಾಗಿ ಕಾಡುಮೇಡುಗಳಲ್ಲಿ ಬದುಕಿದ್ದೀಯಾ ಎಂದಾದರೂ? ನಿಂತಿರುವೆಯಾ ಬೆಟ್ಟವನ್ನೇರಿ? ನದಿಗಳನ್ನು ಹೋಗಿದ್ದೀಯಾ ಹಿಂಬಾಲಿಸಿ? ಪನ್ನೀರಿನಲ್ಲಿ ಮಿಂದು ಬೆಳಕಿನಿಂದ ಮೈ ಒರೆಸಿ ಬಾನ ಬಟ್ಟಲಿನಲ್ಲಿ ಮುಂಜಾವನ್ನೇ ಮದಿರೆಯೆಂದು ಹೀರಿ ಹೊನ್ನ ದೀಪಗಳಂತೆ ತೂಗಿಬಿದ್ದ ಗೊಂಚಲ ಕೆಳಗೆ ಮಲಗಿದ್ದೀಯಾ ರಾತ್ರಿ ಹುಲ್ಲುಹಾಸಿನ ಮೇಲೆ ನಭವನ್ನೇ ತೊಟ್ಟು ಮೇಲುಹೊದ್ದಿಗೆಯಾಗಿ? ಮುಂದಿನ ಯೋಚನೆಗಳೆಲ್ಲಾ ಆವಿಯಾಗಿ ಹಿಂದೆ ನಡೆದದ್ದೆಲ್ಲಾ ಮರೆತು ಹಾಯಾಗಿ? ಬಂದಾಗ ಅಂಥದೊಂದು ಸುಮಧುರ ಘಳಿಗೆ ಹಾಡು, ಕೊಳಲನ್ನು ಕೊಡು ನನ್ನ ಕೈಗಳಿಗೆ. ಹಾಡಿನಲ್ಲಿ ದೊರೆವುದು ಹೃದಯಕ್ಕೆ ನ್ಯಾಯ ಅಪರಾಧಿ ಭಾವನೆಗಳೆಲ್ಲ ಆದರೂ ಲಯ ಮುಗಿಯದು ಕೊಳಲಿನ ವಿಲಾಪನೆ ಕೊಳಲನ್ನು ಕೊಟ್ಟು ನೀನು ಮಾಡು ಆಲಾಪನೆ ಮರೆತುಬಿಡು ಮದ್ದು ಮತ್ತು ಬಾಧಿಸುವ ಬೇನೆ ಜನರು ನೀರಿನ ಮೇಲೆ ಬರೆದ ಗೆರೆಗಳಂತೆ ಇಲಿಗಳು ಕೊರೆದ ಬಿಲಗಳಂತೆ ಜೇಡನ ಬಲೆಯ ದಾರಗಳಂತೆ. ದುರ್ಬಲನಾಗಿ ಬದುಕಿದವನು ಕ್ಷೀಣಿಸುತ್ತಾನೆ ನಿಧಾನವಾಗಿ. ಕಾಡು ಜೀವನದ ಸೆಲೆ! ಒಂದಷ್ಟು ದಿನಗಳು ಕೈಗೂಡಿದರೆ ನನಗೆ ಚೆಲ್ಲುವೆನು ನಾನವನ್ನು ಕಾಡಲ್ಲೇ. ಆದರೆ ಕಾಲ ತ

(೧) ಮಿಸ್ಟರ್ ಅಂಡ್ ಮಿಸೆಸ್ ಗುಪ್ತ  ವೇಕೇಷನ್ ಸ್ಪಾಟ್ ಐಗುಪ್ತ  ನೋಡ್ತಾ ನೋಡ್ತಾ ಪಿರಮಿಡ್ಡು  ಮಗನಿಗೆ ಹೇಳಿದ್ಲು "ಗುಡ್ಡು! ಇನ್ಮೇಲೆ ಕರೀಬೇಡ ಮಮ್ಮಿ ಅಂತ!" (ಐಗುಪ್ತ = ಈಜಿಪ್ಟ್) (೨) ಕಲಿಯಕ್ ಆಗ್ದೇ Excel ಮಂಜು ಮಾಡ್ದ ಎಗ್ ಸೆಲ್ ಲೆಕ್ದಲ್ ಸಿಕ್ರೂ ಮೊಟ್ಟೆ ಭಾರೀ ಬಿಸಿನೆಸ್ ಕೊಟ್ಟೆ ಅಂತ ಅದ್ರಲ್ಲೇ ಎಕ್ಸೆಲ್ (೩) ಕದ್ಗೊಂಡ್ ಮುದ್ದೆ ಬೆಣ್ಣೆ ತಿಂತಿದ್ದಾಗ ಒಬ್ನೇ  ಯಾರೋ ಬಂದ್ ಹಾಗ್ ಸದ್ದು! ಗಾಬ್ರೀಗ್ ಮುದ್ದೆ ಬಿದ್ದು  ಎತ್ಕೊಂಡ್ ತಿಂತಿದ್ನತೆ ಮಣ್ಣೆ! (೪) ಮುಂಚೆ ಆಗಿದ್ನಲ್ಲ ಸಂತ  ಯಾಕ್ ಆಗ್ ಹೋದ ಸಂತಾ? "ಏ" - ಸಹವಾಸ ದೋಷ ಅಂತ  ನಕ್ ಬಿಟ್ನಂತೆ ಬಂತಾ  ನಿಮಗೂ ನಗು ಬಂತಾ? (೫) ಬ್ರೂಸ್ ಲೀ ತಮ್ಮ ಚಕ್ ಲೀ  ತಿಂತಿದ್ನಂತೆ ಚಕ್ಲೀ  ಆಡ್ತಾ ಇದ್ದಾಗ್ ಕುಸ್ತಿ  ಹಲ್ಲುದುರಿಸ್ ಬಿಡ್ತು ಮುಷ್ಟಿ  ಪಾಪ! ಹಾಕ್ಕೋತಾನೆ ನಕ್ಲಿ