ರವಿ ಕಾಣದ್ದು

 ಕೋಬಾಲ್ ಪ್ರೋಗ್ರಾಮಿಂಗ್ ನಾನು ಕಲಿತ ಮೊದಲ ಕಂಪ್ಯೂಟರ್ ಕೌಶಲ್ಯ. ಆಗ ಫೋರ್ಟ್ರಾನ್, ಬೇಸಿಕ್ ಮತ್ತು ಕೋಬಾಲ್ ಎಂಬ ಮೂರು ಪ್ರೋಗ್ರಾಮಿಂಗ್ ಭಾಷೆಗಳದ್ದೇ ರಾಜ್ಯ. ವೈಜ್ಞಾನಿಕ ಸಮಸ್ಯೆಗಳಿಗೆ ಫೋರ್ಟ್ರಾನ್, ಗೇಮಿಂಗ್ ಮುಂತಾದ ಹವ್ಯಾಸಗಳಿಗೆ ಬೇಸಿಕ್, ಮತ್ತು ಬಿಸಿನೆಸ್ ಸಂಬಂಧಿಸಿದ ಸಮಸ್ಯೆಗಳಿಗೆ ಕೋಬಾಲ್. ಕೋಬಾಲ್ ಭಾಷೆಯನ್ನು ಅಭಿವೃದ್ಧಿ ಪಡಿಸಿದ ಶ್ರೇಯಸ್ಸು ಗ್ರೇಸ್ ಹಾಪರ್ ಎಂಬ ಮಹಿಳೆಗೆ ಸಲ್ಲುತ್ತದೆ. ಆಕೆ ಅಮೆರಿಕದ ರಕ್ಷಣಾ ವಿಭಾಗದಲ್ಲಿ ಕೆಲಸ ಮಾಡುವಾಗ ಫ್ಲೋಮ್ಯಾಟಿಕ್ ಎಂಬ ಪ್ರೋಗ್ರಾಮಿಂಗ್ ಭಾಷೆಯನ್ನು ಅಭಿವೃದ್ಧಿ ಪಡಿಸಿದರಂತೆ. ಅದು ಕೋಬಾಲ್ ಭಾಷೆಗೆ ಪ್ರೇರಣೆ. ಪ್ರೋಗ್ರಾಮಿಂಗ್ ಕಲಿಯಲು ಇದು ಖಂಡಿತಾ ಸೂಕ್ತ ಭಾಷೆಯಲ್ಲ. ಆದರೆ ನಮಗೆ ಇದನ್ನು ಕಲಿಯದೆ ಬೇರೆ ದಾರಿಯಿರಲಿಲ್ಲ.  ಆಗ ನಾವು ಕೆಲಸ ಮಾಡುತ್ತಿದ್ದುದು ಒಂದು ಮಿನಿ ಕಂಪ್ಯೂಟರ್ ಮೇಲೆ. ಡೇಟಾ ಜೆನೆರಲ್ ಎಂಬ ಕಂಪನಿ ಅಭಿವೃದ್ಧಿ ಪಡಿಸಿದ ಎಂವಿ 10000 ಎಂಬ ಕಂಪ್ಯೂಟರ್. ಆಗ ಕಂಪ್ಯೂಟರ್ ಕ್ಷೇತ್ರದಲ್ಲಿ ಐಬಿಎಂ ಮುಂಚೂಣಿಯಲ್ಲಿತ್ತು. ಡಿಜಿಟಲ್ ಎಕ್ವಿಪ್ಮೆಂಟ್ ಕಾರ್ಪೊರೇಷನ್ ಎಂಬ ಕಂಪನಿ ಐಬಿಎಂಗೆ ಪ್ರತಿಸ್ಪರ್ಧಿ. ಈ ಸಂದರ್ಭದಲ್ಲಿ ಡೇಟಾ ಜೆನೆರಲ್ ಎಂಬ ಕಂಪನಿ ಈ ಕ್ಷೇತ್ರವನ್ನು ಪ್ರವೇಶಿಸಿ ಸಾಕಷ್ಟು ಕ್ರಾಂತಿಕಾರಕ ಸಾಧನೆಗಳನ್ನು ಮಾಡಿತು. ದ ಸೋಲ್ ಆಫ್ ಎ ನ್ಯೂ ಮೆಷೀನ್ ಎಂಬ ಪುಸ್ತಕದಲ್ಲಿ ಡೇಟಾ ಜೆನೆರಲ್ ಕಂಪನಿಯಲ್ಲಿ ಕಂಪ್ಯೂಟರ್ ಅಭಿವೃದ್ಧಿ ಪಡಿಸಿದ ಕಥೆ ಇದೆ. ಆಗ ಕಂಪ್ಯೂಟರ

  ನಾವು ಭಾರತೀಯರು ಮೌಂಟನ್ ಹೋಮಿನಂಥ ಗ್ರಾಮಕ್ಕೆ ಹೋದಾಗ ಊಟ ತಿಂಡಿಗೆ ಸಹಜವಾಗಿ ಕಷ್ಟ ಪಡಲೇಬೇಕು. ಅದರಲ್ಲೂ ಸಸ್ಯಾಹಾರಿಗಳಾದರೆ ಅವರಿಗೆ ಇನ್ನೂ ಹೆಚ್ಚು ತೊಂದರೆ. ಹೆಲಿಕಾಪ್ಟರಿನಲ್ಲಿ ಬಂದಿಳಿದ ನಮ್ಮನ್ನು ಎದುರುಗೊಳ್ಳಲು ರಾನ್ ಎಂಬ ಅಧಿಕಾರಿ ಇನ್ನೂ ಕೆಲವರು ಸಹೋದ್ಯೋಗಿಗಳೊಂದಿಗೆ ಬಂದಿದ್ದ.  ಅವರು ತಮ್ಮ ಕಾರುಗಳಲ್ಲಿ ನಮ್ಮನ್ನು ಹಿಲ್ ಕ್ರೆಸ್ಟ್ ಗಾರ್ಡನ್ ಅಪಾರ್ಟ್ಮೆಂಟ್ಸ್ ಎಂಬಲ್ಲಿಗೆ ಕರೆದೊಯ್ದರು. ಅಲ್ಲಿ ಕೆಳಗಿನ ಅಪಾರ್ಟ್ಮೆಂಟಿನಲ್ಲಿ ನಮ್ಮ ಡೈರೆಕ್ಟರ್ ಮತ್ತು ಮೇಲಿನ ಅಪಾರ್ಟ್ಮೆಂಟಿನಲ್ಲಿ ನಾವು ಇಂಜಿನಿಯರ್ಸ್ ತಂಗುವುದು ಎಂಬ ನಿರ್ಧಾರವಾಗಿತ್ತು. ಅಪಾರ್ಟ್ಮೆಂಟ್ ಹೊಸದು. ಬಹುಶಃ ನಾವೇ ಅದರ ಮೊದಲ ವಾಸಿಗಳು. ಮೊದಲೇ ಫರ್ನಿಚರ್ ಎಲ್ಲವನ್ನೂ ಸಜ್ಜುಗೊಳಿಸಿದ್ದರು.  ಫ್ರಿಜ್ ಕೂಡಾ ಇತ್ತು. ಆಗ ಬೆಂಗಳೂರಿನಲ್ಲಿ ಫ್ರಿಜ್ ಬಳಸುವ ರೂಢಿಯೇ ಇರಲಿಲ್ಲ. ಹೀಗಾಗಿ ನಮಗೆ ಇದು ಹೊಸ ಅನುಭವ. ಅದೇ ಸಂಜೆ ನಮ್ಮನ್ನು ಊಟಕ್ಕೆ ಕರೆದೊಯ್ಯಲು ರಾನ್ ಮತ್ತಿತರ ಅಧಿಕಾರಿಗಳು ಬಂದರು. ಹಾಲಿಡೇ ಇನ್ ರೆಸ್ಟೋರಾಂದಲ್ಲಿ ನಮಗೆ ಆತಿಥ್ಯವಿತ್ತು. ಎಲ್ಲರೂ ತಮ್ಮ ಹೆಂಡತಿಯರನ್ನೂ ಕರೆದುಕೊಂಡು ಬಂದಿದ್ದರು. ಹೀಗಾಗಿ ನಮಗಾಗಿ ದೊಡ್ಡ ಮೇಜುಗಳನ್ನು ಜೋಡಿಸಿ ಸುತ್ತಲೂ ಕೂಡುವ  ವ್ಯವಸ್ಥೆ ಇತ್ತು. ವೇಟ್ರೆಸ್ ನಮಗೆ ಕುಡಿಯಲು ಏನು ಬೇಕೆಂದು ಕೇಳಿದಳು. ನನಗೆ ಆಲ್ಲಿಯವರೆಗೂ ಒಗ್ಗಿದ ಏಕಮಾತ್ರ ಪೇಯವೆಂದರೆ ಆರೆಂಜ್ ಜೂಸ್.  ಬೇರೆಯವರು ವೈನ್ ಇತ್ಯಾದಿ ಕೇಳಿದಾಗ ನಮ್ಮ ಆರ

ವಿಶ್ವವನ್ನೇ ಗೆಲ್ಲುವುದು ತ್ರಿವರ್ಣ ಮೇಲೇರಲಿ ಹಾರಲಿ ತ್ರಿವರ್ಣ ವಿಶ್ವವನ್ನೇ ಗೆಲ್ಲುವುದು ತ್ರಿವರ್ಣ ಮೇಲೇರಲಿ ಹಾರಲಿ ತ್ರಿವರ್ಣ ಸಾಹಸವನು ನಮ್ಮೊಳು ತುಂಬುವುದು  ಪ್ರೇಮಸುಧೆಯ ಸದಾ ಸುರಿಸುವುದು  ವೀರಯೋಧರಿಗೆ ತರುವುದು ಹರುಷ ಮಾತೃಭೂಮಿಗೆಲ್ಲವೂ ಸಮರ್ಪಣ  ವಿಶ್ವವನ್ನೇ ಗೆಲ್ಲುವುದು ತ್ರಿವರ್ಣ ಮೇಲೇರಲಿ ಹಾರಲಿ ತ್ರಿವರ್ಣ ಬನ್ನಿ ನಿಂತು ತ್ರಿವರ್ಣದ ಕೆಳಗೆ ಕೊಳ್ಳಿ ಶಪಥ ಈ ದಿನ ಶುಭಘಳಿಗೆ ಭಾರತಮಾತೆಗೆ ವಿಜಯದ ಘೋಷ ಮಾತೃಭೂಮಿಗೇ ದೇಹದ ಕಣಕಣ ವಿಶ್ವವನ್ನೇ ಗೆಲ್ಲುವುದು ತ್ರಿವರ್ಣ ಮೇಲೇರಲಿ ಹಾರಲಿ ತ್ರಿವರ್ಣ

 ಅಕ್ಟೋಬರ್ ತಿಂಗಳಿನಲ್ಲಿ ಒಂದು ಲಾಂಗ್ ವೀಕೆಂಡ್ ಬಂದಾಗ ನಾವೆಲ್ಲರೂ ಒಂದು ಸಾಹಸದ ಪ್ರಯಾಣ ಕೈಗೊಂಡೆವು.  ಶಿಕಾಗೋ ನಗರಕ್ಕೆ ಕಾರಿನಲ್ಲಿ ಪ್ರಯಾಣ ಮಾಡುವುದು ನಮ್ಮ ಯೋಜನೆಯಾಗಿತ್ತು. ಇದು ಮೂರ್ತಿಯ ಯೋಜನೆ. ನಮ್ಮ ಜೊತೆ ಕೆಲಸ ಮಾಡುತ್ತಿದ್ದ ಒಬ್ಬ ಸಹೋದ್ಯೋಗಿ ಈಗ ವಿಸ್ಕಾನ್ಸಿನ್ ರಾಜ್ಯದಲ್ಲಿ ಉದ್ಯೋಗದಲ್ಲಿದ್ದ. ಅಲ್ಲಿಗೆ ಶಿಕಾಗೋ ನಗರ ಹತ್ತಿರ.  ಅವನ ಮನೆಯಲ್ಲಿ ತಂಗುವುದು ಮತ್ತು ಶಿಕಾಗೋ  ನಗರವನ್ನು ನೋಡಿಕೊಂಡು ಬರುವುದು ಎಂದು ಅವನು ಯೋಜನೆ ಸಿದ್ಧಪಡಿಸಿದ.  ನಮ್ಮ ಹತ್ತಿರ ಇದ್ದ ಕಾರ್ ಬಹಳ ಹಳೆಯ ಪಾಂಟಿಯಾಕ್. ಅದನ್ನು ಕೊಂಡ ಒಂದು ತಿಂಗಳಲ್ಲೇ ಅದರ ಮಡ್ ಗಾರ್ಡ್ ಕೆಟ್ಟುಹೋಗಿ ಒಂದು ದಿನ ಮನೆಗೆ ವಾಪಸು ಬರುವಾಗ ಕತ್ತೆ ಕಿರುಚಿದಂತೆ ಸದ್ದು ಮಾಡುತ್ತಾ ನಮಗೆ ತೀವ್ರ ಅಪಮಾನ ಮಾಡಿತ್ತು.  ಆ ಕಾರಿನಲ್ಲಿ ದೀರ್ಘ ಪ್ರಯಾಣ ಅಸಾಧ್ಯ. ನಾವು ಕಾರ್ ರೆಂಟಲ್ ಕಂಪನಿಯೊಂದನ್ನು ಸಂಪರ್ಕಿಸಿದೆವು. ನಮ್ಮ ಯೋಜನೆಯ ಬಗ್ಗೆ ನಾವು ಆಫೀಸಿನಲ್ಲಿ ಮಾತಾಡಿಕೊಂಡಿದ್ದು ಒಬ್ಬರಿಂದ ಇನ್ನೊಬ್ಬರಿಗೆ ಹರಡಿ ಕೊನೆಗೆ ಕಿಮ್ ಕಿವಿಗೂ ಮುಟ್ಟಿತು.  "ನೀವು ಪ್ರಯಾಣಕ್ಕೆ ನನ್ನ ಕಾರನ್ನೇ ತೆಗೆದುಕೊಂಡು ಹೋಗಬಹುದು. ರೆಂಟಲ್ ಕಂಪನಿಗೆ ಕೊಡಬೇಕಾದ ಬಾಡಿಗೆಯನ್ನು ನನಗೇ ಕೊಡಿ" ಎಂದು ಅವಳು ಸೂಚಿಸಿದಳು. ಕೊನೆಗೆ ಹೀಗೇ ಮಾಡುವುದು ಎಂದು ನಿರ್ಧಾರವಾಯಿತು. ಕಿಮ್ ಮೂರ್ತಿಯ ಕೈಗೆ ಕೀ ಕೊಟ್ಟು ಒಂದಿಷ್ಟು ಜೋಪಾನಗಳನ್ನು ಹೇಳಿದಳು. ಅವನು ಎಲ್ಲದಕ್ಕೂ ತಲೆಯಾಡಿಸಿದ.  ನ

 ಡೇಟಾ ಪ್ರಾಸೆಸಿಂಗ್ ವಿಭಾಗದಲ್ಲಿ ಕೆಲಸಕ್ಕಿದ್ದವರಲ್ಲಿ ಕಿಮ್ ಒಬ್ಬಳು. ಸ್ವಲ್ಪ ಸ್ಥೂಲ ಶರೀರ. ಕನ್ನಡಕ ಧರಿಸುತ್ತಿದ್ದಳು. ಗಂಭೀರ  ಸ್ವರೂಪದ ಯುವತಿ. ಅವಳ ಕೆಲಸ ಡೇಟಾ ಎಂಟ್ರಿ. ಕಂಪ್ಯೂಟರ್ ಟರ್ಮಿನಲ್ ಮುಂದೆ ಕೂತು ಮಾಹಿತಿಯನ್ನು ಟೈಪ್ ಮಾಡುತ್ತಾ ಕೂಡುವುದು. ಇದೂ ಒಂದು ಬಗೆಯ ಫ್ಯಾಕ್ಟರಿ ಕೆಲಸವೇ. ದಿನಕ್ಕೆ ಇಂತಿಷ್ಟು ಮಾಹಿತಿಯನ್ನು ಸೇರಿಸಬೇಕು ಎಂಬ ನಿಯಮವಿರುತ್ತದೆ. ತಪ್ಪುಗಳನ್ನು ಮಾಡಿದವರಿಗೆ ದಂಡ. ಹೆಚ್ಚು ಕೆಲಸ ಮಾಡಿದವರಿಗೆ ಪ್ರಲೋಭನೆ.  ಕಿಮ್ ಮದುವೆಯಾಗಿ ಇಬ್ಬರು ಮಕ್ಕಳ ತಾಯಿ. ಅವಳ ಪರಿಚಯ ಹೇಗಾಯಿತೋ ನನಗೆ ಮರೆತುಹೋಗಿದೆ. ಅವಳ ಮಗನೊಬ್ಬನ ಹುಟ್ಟಿದಹಬ್ಬದ ಪಾರ್ಟಿಗೆ ನಮಗೆ ಆಹ್ವಾನ ಬಂತು. ನಾವು ಇಂಡಿಯಾದಿಂದ ಬಂದವರೆಂಬುದು ಅಲ್ಲಿ ಬಹಳ ದೊಡ್ಡ ವಿಷಯವಾಗಿತ್ತು. ನಾವು ಡೇಟಾ ಅನಲಿಸ್ಟ್ ಹುದ್ದೆಯಲ್ಲಿರುವವರು, ಭಾರತದ ಮುಂಚೂಣಿ ವಿದ್ಯಾನಿಲಯಗಳಿಂದ ಪದವಿ ಪಡೆದವರು ಎಂದೆಲ್ಲ ನಮ್ಮ ಬಗ್ಗೆ ಸಾಕಷ್ಟು ಡಂಗೂರ ಬಡಿಯಲಾಗಿತ್ತು. ನಮ್ಮನ್ನು ಪರಿಚಯ ಮಾಡಿಕೊಳ್ಳುವುದು ಒಂದು ದೊಡ್ಡ ವಿಷಯ ಎಂಬುದು ಅಲ್ಲಿಯ ಡೇಟಾ ಪ್ರಾಸೆಸಿಂಗ್ ವಲಯದಲ್ಲಿ ಅಭಿಪ್ರಾಯವಾಗಿತ್ತು. ಕಿಮ್ ಪತಿಯಾದ ಡ್ಯಾನಿ ಕೂಡಾ ಅದೇ ಸಂಸ್ಥೆಯ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿದ್ದವನು. ಹೆಚ್ಚು ಓದಿದವನಲ್ಲ.  ವಸ್ತುಗಳನ್ನು ಅಲ್ಲಿಂದಿಲ್ಲಿಗೆ ಎತ್ತಿಕೊಂಡು ಒಯ್ದಿಡುವ ಕೆಲಸ. ನೋಡಲು ಆಕರ್ಷಕನಾಗಿದ್ದ.  ಕಿಮ್ ಮತ್ತು ಅವನು ಬಹುಶಃ ಒಂದೇ ವಯಸ್ಸಿನವರು. ಡ್ಯಾನಿ ಮೀಸೆಯನ್ನು

ಅಮೆರಿಕನ್ನರು ಕಡುಬಿಗೆ ಪೈ ಎನ್ನುತ್ತಾರೆ. ಉದಾಹರಣೆಗೆ ಆಪಲ್ ಪೈ ಎಂದರೆ ಸೇಬಿನ ಹಣ್ಣಿನ ರಸಾಯನ ಹೂರಣವಾಗಿಟ್ಟು ಮಾಡಿದ ಕಡುಬು.  ಇದೇ ರೀತಿ ಪಂಪ್ಕಿನ್ ಪೈ ಎಂದರೆ ಸಿಹಿಕುಂಬಳಕಾಯಿ ಕಡುಬು.  ಅಮೆರಿಕಾದಲ್ಲಿ ವಾಸವಾಗಿದ್ದ ಕನ್ನಡಿಗರೊಬ್ಬರು ಒಮ್ಮೆ ಒಂದು ಜಾತ್ರೆಗೆ ಹೋಗಿದ್ದರು. ಅಮೆರಿಕಾದಲ್ಲಿ ಜಾತ್ರೆಗೆ ಫೇರ್ ಎನ್ನುತ್ತಾರೆ. ಹೌದು, ಫೇರ್ ಅಂಡ್ ಲವ್ಲಿ ಇದೆಯಲ್ಲ, ಅದೇ ಫೇರ್.  ಸ್ಪೆಲಿಂಗ್ ಕೂಡಾ ಅದೇ. ಕೆಲವು ಕಡೆ ಕಾರ್ನಿವಾಲ್ ಎನ್ನುತ್ತಾರೆ. ಅಲ್ಲಿ ಸರ್ಕಸ್ ಮಾದರಿಯ ಪ್ರದರ್ಶನಗಳೂ ಇರುತ್ತವೆ. ಹಳ್ಳಿಗಳಲ್ಲಿ ನಡೆಸುವ ಜಾತ್ರೆಗಳಲ್ಲಿ ಹಸು, ಹಂದಿ ಇಂಥವುಗಳ ಮಾರಾಟ ನಡೆಯುತ್ತದೆ. ಇದಲ್ಲದೆ ಶೂಟಿಂಗ್ ಇತ್ಯಾದಿ ಆಟಗಳು ಕೂಡಾ ಇರುತ್ತವೆ.  ಶೂಟಿಂಗ್ ಎಂದರೆ ಹೆದರಬೇಡಿ.   ಆಟದ ಪಿಸ್ತೂಲು ಬಳಸಿ ನೀವು ಬಲೂನಿಗೆ ಗುರಿ ಇಟ್ಟು ಹೊಡೆದು ಅದನ್ನು ಒಡೆದರೆ ನಿಮಗೆ ಏನಾದರೂ ಬಹುಮಾನ ಸಿಕ್ಕುತ್ತದೆ. ಆದರೆ ಬಹಳ ಸಲ ಏನೂ ಸಿಕ್ಕದ ಅವಮಾನವೇ ಸಿಕ್ಕುತ್ತದೆ. ಏನು ಮಾಡುವುದು, ಗುರಿ ಇಲ್ಲದ ಜನರು ನಾವು! ಅರ್ಜುನನು ನೀರಿನಲ್ಲಿ  ಕಾಣುವ ಪ್ರತಿಬಿಂಬ ನೋಡಿಯೇ ಹಕ್ಕಿಯ ಕಣ್ಣಿಗೆ ಗುರಿ ಇಟ್ಟು ಬಾಣ ಬಿಟ್ಟನಂತೆ. ಇಂಥ ಯಾವುದೇ ಆಟವನ್ನು ಒಲಿಂಪಿಕ್ಸ್ ಪಂದ್ಯಗಳಲ್ಲಿ ನೋಡಿರುವಿರಾ? ನಮ್ಮ ಹಳೆಯ ಸಂಪ್ರದಾಯಗಳನ್ನು ಮರೆತ ಗುರಿ ಇಲ್ಲದ ಬದುಕು ನಮ್ಮದು! ಬುಗುರಿಯನ್ನೇ ಆಡದ ಮಕ್ಕಳು ಗುರಿ ಹೇಗೆ ಸಾಧಿಸಿಯಾರು? ಇರಲಿ, ಅದೆಲ್ಲ ಈಗ ಮುಖ್ಯವಲ್ಲ. ನಮ್ಮ ಅಮೆರಿಕನ್ನಡಿ

 ಈ ಸ್ವಿಗ್ಗಿ ಜೋಮೇಟೋ ಎಲ್ಲ ಏನೂ ಹೊಸದಲ್ಲ. ಆನ್ ಟೈಮ್ ಫುಡ್  ಡೆಲಿವರಿ ಹಿಂದೆ ಇರಲಿಲ್ಲವೇ? ಇತ್ತು ಎಂಬುದನ್ನು ಸಿದ್ಧ ಪಡಿಸಲು ಇಗೋ ಈ ಕಥೆಯೇ ಸಾಕ್ಷಿ. ಏಕಚಕ್ರಪುರ ಎಂಬ ಒಂದು ನಗರವಿತ್ತು. ಅದಕ್ಕೆ ಹಾಗೆ ಯಾಕೆ ಹೆಸರು ಬಂತೋ ಗೊತ್ತಿಲ್ಲ. ಒಂದೇ ಚಕ್ರದ ಬಂಡಿಗಳನ್ನು ಬಹುಶಃ ಅಲ್ಲಿ ಜನರು ಓಡಿಸುತ್ತಿದ್ದರೇನೋ.  ಈ ಪುರದ ಹೊರಗಡೆ ಇದ್ದ ದೊಡ್ಡ ಕಾಡನ್ನು ಬಿ. ಕೆ. ಸುರಾ ಎಂಬ ಹೊರದೇಶದ ಒಬ್ಬರು ಆಕ್ರಮಿಸಿಕೊಂಡು ಅಲ್ಲೇ ಇದ್ದ ಒಂದು ಬೆಟ್ಟದ ಮೇಲೆ ಮನೆ ಕಟ್ಟಿಕೊಂಡು ವಾಸ ಮಾಡುತ್ತಿದ್ದರು. ಕಾಡಿನಲ್ಲಿ ಕುರಿ, ದನ ಮೇಯಿಸಲು ಹೋಗುತ್ತಿದ್ದ ಏಕಚಕ್ರಪುರಿಯ ಜನರಿಗೆ ಒಮ್ಮೆಲೇ ಸಮಸ್ಯೆ ಎದುರಾಯಿತು. ಹುಲ್ಲು ಮೇಯಿಸಲು ಹೋದವರು ಮರಳಿ ಬಂದಾಗ ಒಂದೆರಡು ದನಕುರಿಗಳು ಕಡಿಮೆ ಇರುವುದು ರೂಢಿಯಾಯಿತು. ಮೊದಮೊದಲು ಕಾಡಿನಲ್ಲಿ ಯಾವುದೋ ಪ್ರಾಣಿ ಹೀಗೆ ದನಕುರಿಗಳನ್ನು ಕದಿಯುತ್ತಿದೆ ಎಂದು ಊಹಾಪೋಹ ಪ್ರಾರಂಭವಾಯಿತು. ಏಕಚಕ್ರಪುರದ ಜನರು ಹೆದರಿದರು.  ಊರಿನಲ್ಲಿ ಒಬ್ಬ ಪ್ರೈವೇಟ್ ಡಿಟೆಕ್ಟಿವ್ ಇದ್ದನು. ಅವನನ್ನು ತನಿಖೆ ಮಾಡಲು ಜನ ದುಂಬಾಲು ಬಿದ್ದರು.  ಅವನು ಹಸು ಕುರಿಗಳ ಹೆಜ್ಜೆ ಗುರುತುಗಳನ್ನು ಫಾಲೋ ಮಾಡಿಕೊಂಡು ಹೋದಾಗ ಅವು ಬೆಟ್ಟದ ಕಡೆ ಹೋಗುವುದನ್ನು ಗಮನಿಸಿದನು. ಬೆಟ್ಟವನ್ನು ಹತ್ತಿ ಹೋದಾಗ ಬಿ. ಕೆ. ಸುರಾ ಅವರ ಮನೆಯ ಹಿಂಭಾಗದಲ್ಲಿ ಏನೋ ರಾಶಿ ಬಿದ್ದಿದ್ದು ಕಂಡಿತು. ಅದು ಪ್ರಾಣಿಗಳ ಅಸ್ಥಿಗಳು ಎಂದು ಕಂಡುಕೊಂಡು ಪ್ರೈವೇಟ್ ಡಿಟೆಕ್ಟಿವ್ ಊರಿಗೆ ಮರ