ವಿಜ್ಞಾನದ ಕಡುಬಿಳುಪು ಛಾಯೆ

ಮೂಲ ಇಂಗ್ಲಿಷ್ ಸಾನೆಟ್ :  ಜಾನ್ ಕೀಟ್ಸ್ 

ಕನ್ನಡಕ್ಕೆ - ಸಿ. ಪಿ. ರವಿಕುಮಾರ್ 

ಬಿದ್ದರೂ ಮೇಲೆ ವಿಜ್ಞಾನದ ಕಡುಬಿಳುಪು ಛಾಯೆ 

ಹೆದರಿ ಓಡಿ ಹೋಗುವುದೆಲ್ಲ ಲಾವಣ್ಯಮಯ ಮಾಯೆ;

ಶಿವನನ್ನೇ ಗುರಿ ಮಾಡಿ ಹೂಬಾಣವನ್ನೆಸೆದ ಕಾಮನಬಿಲ್ಲು 

ಮೂಡಿದರೆ  ನಭದಲ್ಲಿ ವಿಜ್ಞಾನ ನೀಡುವುದು ಯಾದಿ 

ನೀರಿನಲ್ಲಿ ವಕ್ರ ನಡೆ ನಡೆದ ಬೆಳ್ಗಿರಣದಲ್ಲಿ ಬೇರಾಗಿ ಹಾದಿ 

ನೇರಳೆ ಕಡುನೀಲಿ ನಭನೀಲಿ ಹಸಿರು ಹಳದಿ ಕಿತ್ತಳೆ ಕೆಂಪು ವಿಬ್ಗಯಾರು 

ತುಳಿದು ಏಕಾಂಗಿ ಸಪ್ತಪದಿ, ಮಳೆಬಿಲ್  ಹೇಗಾಯ್ತು ತಯಾರು 

ಬಿಲ್ ಅಲ್ಲವೇ ಅಲ್ಲ ಮಳೆಬಿಲ್ಲು ಗೊತ್ತಾ? ಅದೊಂದು ವೃತ್ತ!

ಉತ್ಸಾಹದಿಂದ ಕಲ್ಪನೆಯ ಗುಳ್ಳೆಗೆ ಮುಳ್ಳು ಚುಚ್ಚುತ್ತ

ಕತ್ತರಿಸುವುದು ವಿಜ್ಞಾನ ಕಲ್ಪನಾವಿಹಂಗಮದ ಗರಿ 

ಎಲ್ಲ ಕೌತುಕಗಳಿಗೂ ನೀಡಿ ಭೂತಶಾಸ್ತ್ರೀಯ ಥಿಯರಿ 

ವಿಕ್ರಮನಿಗೆ ಉಳಿಸದೇ ಯಾವುದೂ ಬೆಂಬಿಡದ ಭೂತ 

ಉತ್ತರಿಸುತ್ತ ಬಿಡದೆ ಕುತೂಹಲ ಏನನ್ನೂ ಲವಲೇಶ 

ಮಾಯಾಮೃಗದಲ್ಲೂ ಈಗ  ಮೃಗವಷ್ಟೇ ಶೇಷ 

=========================================

 Do not all charms fly

At the mere touch of cold philosophy?

There was an awful rainbow once in heaven:

We know her woof, her texture; she is given

In the dull catalogue of common things.

Philosophy will clip an Angel’s wings,

Conquer all mysteries by rule and line,

Empty the haunted air, and gnomed mine—

Unweave a rainbow, as it erewhile made

The tender-person’d Lamia melt into a shade.