ವಿಜಯಿಗಳು

ಮೂಲ ಚೈನೀಸ್ : ಯಾವೋ ಫೆಂಗ್ 

ಕನ್ನಡಕ್ಕೆ : ಸಿ. ಪಿ. ರವಿಕುಮಾರ್ 

(ಟಿಪ್ಪಣಿ: ಎವರೆಸ್ಟ್ ಪರ್ವತಕ್ಕೆ ಚೈನಾದಲ್ಲಿ ಚೋಮೋಲಂಗ್ಮಾ ಎಂಬ ಹೆಸರಿದೆ)

ಎವರೆಸ್ಟ್ ಪರ್ವತವನ್ನು ಹತ್ತಿದವರಲ್ಲಿ 

ಬಹಳಷ್ಟು ಮಂದಿ ಸಾವನ್ನಪ್ಪಿದರು ಅರ್ಧದಲ್ಲೇ 

ಉಳಿದವರು ತುದಿಯನ್ನೇರಿ 

ಬಾವುಟ ಬೀಸಿ ನೋಡುತ್ತಾ ಲೆನ್ಸ್ ಕಡೆಗೆ  

ಜಾಹೀರು ಮಾಡಿದರು ಜಗತ್ತಿಗೆ 

ತುತ್ತತುದಿಯ ಮೇಲೆ ತಮ್ಮ ವಿಜಯ ಸಾಧನೆ

ಕಡೆಗಣಿಸಿತು ಕ್ಯಾಮೆರಾ ಕಣ್ಣು 

ಮೂಲೆಯಲ್ಲಿ  ಸುಮ್ಮನೇ  ನಿಂತಿದ್ದ ಶೇರ್ಪಾಗಳನ್ನು 

ಅವರು ಕೂಲಿಗಳು, ಬರುವುದಿಲ್ಲ ವಿಜಯಿಗಳ ಲೆಕ್ಕದಲ್ಲಿ 

ಎರಡು ಸಾವಿರ ಡಾಲರ್ ಇಟ್ಟರೆ ಕೈಯಲ್ಲಿ 

ಯಾವುದೇ ವಿಜಯಿಗೆ  ನೀಡುತ್ತಾರೆ ಸಹಾಯ 

ಚೋಮೋಲಂಗ್ಮಾ ಮೇಲೆ ಸಾಧಿಸಲು ವಿಜಯ