ಹನಿಗವನ!


ಡ್ರೈ ಹೋಳಿ 

ಡ್ರೈ ಹೋಳಿ-
ಗೆ
ಹೋಗುವಾಗ
ಮರೆಯದೇ ಜತೆಗಿರಲಪ್ಪ
ಹಾಲು ಪ್ಲಸ್ ತುಪ್ಪ

ಸಾವಯವ 

ಹೈಸ್ಕೂಲಿನಲ್ಲಿ
ಆರ್ಗಾನಿಕ್ ಕೆಮಿಸ್ಟ್ರಿ
ಈಥೇನು, ಬ್ಯೂಟೇನು, ಹೆಕ್ಸೇನು
ಬದಲಾಗಿ
ಆರ್ಗಾನಿಕ್ ಫಾರ್ಮಿಂಗ್
ಹೇಳಿಕೊಟ್ಟಿದ್ರೆ
ಏನಾದರೂ ಬೆಳಕೊಂಡು ತಿಂದೇನು

ಮೀಡಿಯಾ 

ಮೀಡಿಯಾ ಈನಡುವೆ ಹಾಗೇ ಎಲ್ಲೆಲ್ಲೂ
ಡುಹಿಡಿಯುತ್ತದೆ ಗುಣ ಚಿಕ್ಕ ಕ್ರಿಮಿ-ನಲ್ಲೂ
ಕಣ್ ಮುಚ್ಚಿಕೊಳ್ಳುತ್ತದೆ ಕಂಡಾಗ ದೊಡ್ಡ ಕ್ರಿಮಿನಲ್ಲು

ಅಚ್ಚಬಿಳಿ 

ಅಚ್ಚ ಬಿಳಿ ಬಟ್ಟೆ ಧರಿಸಿ ಬಂದರೇನು ಸಭೆಗೆ!
ಸ್ವಚ್ಛವಾಗಿಬಿಡುವುದೇ ನಿಮ್ಮ ಕೊಳಕು ನಡಿಗೆ?
ಕೊಚ್ಚೆ ಬಿದ್ದಿದೆ ಮನದ ಮೇಲೆ! ಒರೆಸಿಕೊಳ್ಳಿ ಬೇಗ
ತುಚ್ಛ ಯೋಚನೆ ಮನದಿಂದ ಮಾಡಿಬಿಡಿ ತ್ಯಾಗ

ಗ್ಯಾರಂಟಿ 

ಏನು ಬೇಕಾದರೂ ಬರೆದುಕೊಳ್ಳಿ ಇತಿಹಾಸ
ತುಂಬಿ ಬೆಳೆವ ಎಳೆಯ ಬುದ್ಧಿಯೊಳು ಬೂಸಾ
ಇಷ್ಟೆಲ್ಲ ಆದರೂ ಉಳಿಸಿಕೊಂಡಿದ್ದರೆ ಸ್ಯಾನಿಟಿ
ಮುಂದೆ ಕಳೆದುಕೊಳ್ಳುತ್ತೀಯ ಕೊಡುವೆ ಗ್ಯಾರಂಟಿ

ವಿಪರೀತಮತಿ  


ಬುದ್ಧಿಜೀವಿ ಎಂಬ ಪದವು ಸರಿಯಿಲ್ಲ, ನಾವೇನು
ಪೆದ್ದು ಜೀವಿಗಳೇ ಎಂದು ಮಿತ್ರರೊಬ್ಬರ ವಾದ |
ಇದ್ದ ಬುದ್ಧಿಯನೆಲ್ಲ ಡ್ಯಾಮೇಜಿಗೇ ಬಳಸುವನ ವಿಪರೀತ-
ಬುದ್ಧಿಜೀವಿ ಎನಬಹುದೇ ಮಂಕುತಮ್ಮ ||

ಆರಕ್ಷಣೆ 

ದಿನದಿನವೂ ತಿರುತಿರುಗಿ ಹಾಡಿ ದೇವರನಾಮ
ಅನುದಿನಕ್ಕೆ ಸಂಗ್ರಹಿಸಿ ಒಪ್ಪೊತ್ತಿನ ಭಿಕ್ಷಾನ್ನ |
ಹಣವೆಲ್ಲ ದಾನ ಮಾಡಿದ ದಾಸರು ನಂಬಿದ್ದರು ಶ್ರೀ
ಕೃಷ್ಣನ "ಆರಕ್ಷಣೆ"ಯಲ್ಲಿ ಮಂಕುತಮ್ಮ ||

ಬಿತ್ತಿದ್ದು 

ಬಿತ್ತಿದ್ದೇ ಅಲ್ಲವೇ ಬೆಳೆಯುವುದು ನೆಲದಲ್ಲಿ?
ನಿತ್ಯ ಟಿ.ವಿ.ಯಲ್ಲಿ ಮನೆಮುರುಕುತನವನ್ನೇ |
ಪಟ್ಟಾಗಿ ನೋಡುತ್ತ ಜನಮನಗಣದಲ್ಲಿ
ಹುಟ್ಟದೇ ವೈರತ್ವ ಮಂಕುತಮ್ಮ? ||

ವಾಚ್ 

ಹೊಟ್ಟೆಗಿರಲಿ ಸೊಪ್ಪಿನ ಸಾರು ರಾಗಿಮುದ್ದೆ
ಬಟ್ಟೆಗಿರಲಿ ಗಟ್ಟಿ ಖಾದಿ ಬಿಳಿಧೋ‍ತ್ರ |
ದಿಟ್ಟಿಗಿರಲಿ ತಂಪುಕನ್ನಡಕ ಯೂರೋಪಿನದು
ಕ‍ಟ್ಟು ಬ್ರಾಂಡೆಡ್ ವಾಚು ಮಂಕುತಮ್ಮ ||

ಅಕಬರ ಅಲಿ ಅವರಿಗೆ 

ಚುಟುಕಾಗಿ ಮಾತಾಡುವುದು ನಮ್ಮ ಗುಣವಲ್ಲ
ಗಂಟೆಗಟ್ಟಲೆ ಭಾಷಣ ಬಿಗಿವವರೆ ಎಲ್ಲ
ಚುಟುಕಿನ ಗುಟುಕಿನಲ್ಲಿದೆ ಕುಟುಕೆನ್ನುವವುದನ್ನ
ಬಿತ್ತರಿಸಿದ ಅಲಿ ಅವರಿಗಿದೋ ಚುಟುಕು ನಮನ

ಸಂಘರ್ಷ 

ಸೊಸೆಗೆ ಅತ್ತೆಯ ಜೊತೆಗೆ ನಿತ್ಯ ಸಂಘರ್ಷ
ನನಗಿಲ್ಲದ ಅಧಿಕಾರ ಇವಳಿಗೇಕೆಂಬ ರೋಷ
ಕಳ್ಳರಿಗೆ ಬಾಗಿಲು ತೆರೆದು ಕೋರಿದಳು ಸ್ವಾಗತ
ಹೀಗೇ ನಡೆಯುತ್ತಿದೆ ಬಹುಕಾಲದಿಂದಲೂ ಭಾರತ

ಸ್ವಚ್ಛನಗರಿ 

‍ಮೈಸೂರಿಗೆ ದೊರೆತಿಹುದಹಾ ಮಲ್ಲಿಗೆಯ ಗುಚ್ಛ!
ಎಲ್ಲಿ ನೋಡಿದರಲ್ಲಿ ಸ್ಚಚ್ಛವೋ ಸ್ವಚ್ಛ
ಬೆಂಗ್ಳೂರಿಗೆ ಅಯ್ಯೋ ಮೂವತ್ತೆಂಟನೇ ಸ್ಥಾನ
ಸುಟ್ಟ ಹೊಗೆ ನಮಗೆ ಸಮಾಧಾನಕರ ಬಹುಮಾನ

ಎಕ್ಸ್ಪೋಸ್ 

ಎಷ್ಟು ಎಕ್ಸ್ಪೋ‍ಸ್ ಮಾಡುತ್ತೀರಪ್ಪಾ
ಮೀಡಿ‍ಯಾ ಪ್ರಭುಗಳನ್ನ
ಸುದ್ದಿಯಲ್ಲೇ ಇರುವ
ಬುದ್ಧಿಜೀವಿಗಳನ್ನ?
ನೋಡಿ ಅವರ ಕಡೆ -
ಎಕ್ಸ್ಪೋಸ್ ಮಾಡಲು ಸಾಧ್ಯವೇ ಇಲ್ಲ
ಅವರು ಏನೂ ತೊಟ್ಟೇ ಇಲ್ಲ

ಈ-ಚೆನ್ನಸೋಮೇಶ್ವರಾ

ಕೆಲವಂ ಕನ್ನಡದಲ್ಲಿ ಕಲಿತು, ಕೆಲವಂ ಕನ್ನಡ ಫೇಸ್ಬುಕ್ಕಿನಿಂದೋದುತಂ
ಕೆಲವಂ ಕನ್ನಡ ಪತ್ರಿಕಾ-ಪುಸ್ತಕದಿಂದಲರಿದು, ಕೆಲವಂ ಕನ್ನಡ ಸಿನಿ-ನಾಟಕಂಗಳಂ ನೋಡುತಂ
ಕೆಲವಂ ಕನ್ನಡ ಟೈಪಿಂಗ್ ಮಾಡುತಂ, ಕೆಲವಂ ಕನ್ನಡದೋಳ್ ಮಾತಾಡುತಂ
ಕಲಿತು ಕನ್ನಡದ "ಕಲಿ"ಯಾಗು, ಹರಹರಾ ಈ-ಚೆನ್ನ ಸೋಮೇಶ್ವರಾ!!









Add caption
































ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

"ಬಾರಿಸು ಕನ್ನಡ ಡಿಂಡಿಮವ" - ಒಂದು ಮರು ಓದು

ಇಮೇಜ್
ಸಿ ಪಿ ರವಿಕುಮಾರ್  "ಬಾರಿಸು ಕನ್ನಡ ಡಿಂಡಿಮವ" ಎನ್ನುವುದು ಕನ್ನಡ ಪ್ರಚಾರಗೀತೆ ಎನ್ನುವಂತೆ ಮೇಲ್ನೋಟಕ್ಕೆ ತೋರುತ್ತದೆ. ಆದರೆ ಕವಿತೆಯನ್ನು ಪೂರ್ಣವಾಗಿ ಓದಿದರೆ ಅದು ಕುವೆಂಪು ಅವರು ಕನ್ನಡಿಗರ ಜಾಯಮಾನಕ್ಕೆ ನೊಂದು, ಬದಲಾವಣೆಗಾಗಿ ಪ್ರಾರ್ಥನಾರೂಪದಲ್ಲಿ  ಬರೆದ ಪದ್ಯ ಎಂಬ ತಿಳುವಳಿಕೆ ಮೂಡುತ್ತದೆ. ಬಾರಿಸು ಕನ್ನಡ ಡಿಂಡಿಮವ ಓ ಕರ್ನಾಟಕ ಹೃದಯ ಶಿವ! ಕರ್ನಾಟಕದ ಹೃದಯ ಮಿಡಿಯಬೇಕಾದದ್ದು ಕನ್ನಡಕ್ಕೆ. ಆದರೆ ಅಲ್ಲಿ ಬೇರೆ ಭಾಷೆಗಳ ಮಿಡಿತವೇ ಹೆಚ್ಚು. ಕುವೆಂಪು ಅವರ ಕಾಲದಲ್ಲೂ ಇದು ಹಾಗೇ ಇತ್ತು, ಈಗಲೂ ಹಾಗೇ ಇದೆ!    ಹೇಗೆ ಶಿವ ತನಗೆ ಸಹಜವಾದ ಡಿಂಡಿಮ ಬಾರಿಸಬೇಕೋ ಹಾಗೇ ಕರ್ನಾಟಕದ ಹೃದಯ-ಶಿವ ಕನ್ನಡವೆಂಬ ಡಿಂಡಿಮ ಬಾರಿಸಬೇಕು ಎಂಬುದು ಕವಿಯ ನೊಂದ ಮನದ ಮೊರೆ. "ಬಾರಿಸು ಕನ್ನಡ ಡಿಂಡಿಮವ "ಎಂಬಲ್ಲಿ "ಕನ್ನಡ" ಶಬ್ದಕ್ಕೆ ಒತ್ತು.  ಸತ್ತಂತಿಹರನು ಬಡಿದೆಚ್ಚರಿಸು! ಕಚ್ಚಾಡುವರನು ಕೂಡಿಸಿ ಒಲಿಸು! ಹೊಟ್ಟೆಯ ಕಿಚ್ಚಿಗೆ ಕಣ್ಣೀರ್ ಸುರಿಸು! ಒಟ್ಟಿಗೆ ಬಾಳುವ ತೆರದಲಿ ಹರಸು! ಕನ್ನಡ ಜನರಲ್ಲಿ ಒಗ್ಗಟ್ಟಿಲ್ಲ ಎನ್ನುವುದನ್ನು  ಕುವೆಂಪು ಮನಗಂಡಿದ್ದರು. ಏಕೀಕರಣದ ಸಮಯದಲ್ಲಿ ಕೂಡಾ ಒಡಕು ಧ್ವನಿಗಳಿದ್ದವು.  "ಅಖಂಡ ಕರ್ನಾಟಕ" ಪದ್ಯದಲ್ಲಿ ಇಂಥ ಒಡಕು ಧ್ವನಿಗಳನ್ನು ಎತ್ತುವ ಜನನಾಯಕರ ಬಗ್ಗೆ ಕುವೆಂಪು "ಮುಚ್ಚು ಬಾಯಿ" ಎಂಬ ರೀತಿಯಲ್ಲಿ ಗುಡುಗಿದ್ದಾರೆ. ಆದರೆ ...
ಇನ್ನಷ್ಟು ಓದಿ

ಕರ್ನಾಟಕ ನಾಡಗೀತೆ - ಒಂದು ಸರಳ ಅರ್ಥವಿವರಣೆ

ಇಮೇಜ್
ಸಿ. ಪಿ. ರವಿಕುಮಾರ್  ಕರ್ನಾಟಕ ನಾಡಗೀತೆಯನ್ನು ಹಾಡುವವರಿಗೆ/ಕೇಳುವವರಿಗೆ  ಅದರ ಅರ್ಥ ತಿಳಿಯದೇ ಇದ್ದರೆ ಈ ಬ್ಲಾಗ್ ಬರಹವನ್ನು ಅವರು ಓದಬಹುದು. ಆದಷ್ಟೂ ಸರಳವಾಗಿ ಕವಿತೆಯ ಸಾರವನ್ನು ಹಿಡಿದಿಡಲು ಪ್ರಯತ್ನಿಸಿದ್ದೇನೆ.   ಈ ವಿಶಿಷ್ಟ ಕವಿತೆಯಲ್ಲಿ  ಕುವೆಂಪು ಭಾರತವನ್ನು ತಾಯಿಯಂತೆ ಮತ್ತು ಕರ್ನಾಟಕವನ್ನು ಮಗಳಂತೆ ಕಲ್ಪಿಸಿಕೊಂಡಿದ್ದಾರೆ.  ಇದನ್ನು ಅವರು ರಚಿಸಿದ್ದು ತಮ್ಮ ಹದಿಹರೆಯದಲ್ಲಿ. ಭಾರತಮಾತೆಯ ಮಗಳಾದ ಕರ್ನಾಟಕಮಾತೆಗೆ ಜಯವಾಗಲಿ ಎಂದು ನಾಡಗೀತೆ ಪ್ರಾರಂಭವಾಗುತ್ತದೆ. ಇಡೀ ಗೀತೆಯ ಉದ್ದಕ್ಕೂ ಅತ್ತ ಭಾರತಮಾತೆಯ ಹಿರಿಮೆ, ಇತ್ತ ಕರ್ನಾಟಕಮಾತೆಯ ಹಿರಿಮೆ ಇವುಗಳನ್ನು ಒಟ್ಟಿಗೆ ಕೊಂಡಾಡುವ ವಿಶಿಷ್ಟ ಪ್ರಯೋಗವನ್ನು ಕುವೆಂಪು ಮಾಡಿದ್ದಾರೆ. ರಾಷ್ಟ್ರವನ್ನೂ ಮತ್ತು ರಾಜ್ಯವನ್ನೂ ಏಕಕಾಲದಲ್ಲಿ ಸ್ತುತಿಸುವ ನಾಡಗೀತೆಯನ್ನು ಮತ್ತೊಮ್ಮೆ ಕೇಳಿ. ಜೈ ಭಾರತ ಜನನಿಯ ತನುಜಾತೆ ಜಯಹೇ ಕರ್ನಾಟಕ ಮಾತೆ! ಇಲ್ಲಿ ಕುವೆಂಪು ಭಾರತವನ್ನು ತಾಯಿಯಂತೆ ಮತ್ತು ಕರ್ನಾಟಕವನ್ನು ಮಗಳಂತೆ ಕಲ್ಪಿಸಿಕೊಂಡಿದ್ದಾರೆ. ಭಾರತಮಾತೆಯ ಮಗಳಾದ ಕರ್ನಾಟಕಮಾತೆಗೆ ಜಯವಾಗಲಿ ಎಂದು ನಾಡಗೀತೆ ಪ್ರಾರಂಭವಾಗುತ್ತದೆ. ಇಡೀ ಗೀತೆಯ ಉದ್ದಕ್ಕೂ ಅತ್ತ ಭಾರತಮಾತೆಯ ಹಿರಿಮೆ, ಇತ್ತ ಕರ್ನಾಟಕಮಾತೆಯ ಹಿರಿಮೆ ಇವುಗಳನ್ನು ಒಟ್ಟಿಗೆ ಕೊಂಡಾಡುವ ವಿಶಿಷ್ಟ ಪ್ರಯೋಗವನ್ನು ಕುವೆಂಪು ಮಾಡಿದ್ದಾರೆ. ರಾಷ್ಟ್ರವನ್ನೂ ಮತ್ತು ರಾಜ್ಯವನ್ನೂ ಏಕಕಾಲದಲ್ಲ...
ಇನ್ನಷ್ಟು ಓದಿ

ಆಡು ಮುಟ್ಟದ ಸೊಪ್ಪಿಲ್ಲ (ಹರಟೆ)

ಇಮೇಜ್
ಸಿ ಪಿ ರವಿಕುಮಾರ್  ಮಾ ಡುವವರು ಆಡರು, ಆಡುವವರು ಮಾಡರು ಎನ್ನುವುದು ಹಳೆಯ ಕಾಲದ ಮಾತಾಯಿತು. ಇಂದು ಯಾವುದೇ ವಸ್ತುವನ್ನು (ತಯಾರು) ಮಾಡಿದವರು ಆsಡ್ ಮಾಡದಿದ್ದರೆ ಅವರನ್ನು ಯಾರು ಕೇಳುತ್ತಾರೆ ಹೇಳಿ?  ಉದಾಹರಣೆಗೆ  ಒಂದು ಉಪಾಹಾರಗ್ರಹವನ್ನೇ ತೆಗೆದುಕೊಳ್ಳಿ. ದೋಸೆಯ ಘಮಘಮ ಪರಿಮಳವನ್ನು ಆಸ್ವಾದಿಸಿ ಅಥವಾ ದೋಸೆಗೂ   ಹಂಚಿಗೂ ನಡೆಯುವ  ಚೊಂಯ್  ಎಂಬ ಪ್ರೇಮಸಲ್ಲಾಪದಿಂದ  ಆಕರ್ಷಿತರಾಗಿ ಜನ ಉಪಾಹಾರಗ್ರಹಗಳಿಗೆ ಮುತ್ತುತ್ತಿದ್ದ ಕಾಲ ಒಂದಿತ್ತು. ದೋಸೆ ಎಂದರೆ ಬರೀ ದೋಸೆ ಮಾತ್ರ ಆಗಿದ್ದ ಕಾಲವದು. ಇದು ಹೇಳಿ ಕೇಳಿ ಇನೊವೇಶನ್ ಯುಗ! ಒಂದು ತೊಂಬತ್ತೊಂಬತ್ತು ವಿಧದ ದೋಸೆಗಳಾದರೂ ಇಂದು ಇವೆ.  "ಚಿನ್ನದ ಬಣ್ಣ ಬರುವವರೆಗೂ ಕಾವಲಿಯ ಮೇಲೆ ಬೇಯಿಸಿ" ಎಂಬ ಸೂಚನೆಯನ್ನು ಹಿಂದೆ ಅಡುಗೆ ಸಾಹಿತ್ಯದಲ್ಲಿ ಕಾಣಬಹುದಿತ್ತು. ಇಂದು ಈ ಸೂಚನೆಗೆ ವಿಭಿನ್ನ ಅರ್ಥವಿದೆ! ಏಕೆಂದರೆ ಚಿನ್ನದ ಹಾಳೆಯನ್ನೇ  ಆಲೂಗಡ್ಡೆ ಪಲ್ಯದ ಮೇಲೆ ಏರಿಸಿ ಗೋಲ್ಡನ್ ದೋಸಾ ತಯಾರಿಸಿದ್ದಾರೆ!  ಕ್ಷಮಿಸಿ, ಮಾತು ಎಲ್ಲಿಗೋ ಹೋಯಿತು.  ಉಪಾಹಾರಗ್ರಹದಲ್ಲಿ  ಇಂಥ ಹೊಸಹೊಸ ಬಗೆಯ ದೋಸೆಗಳನ್ನು  ಮಾಡಿದವನು  ಅವುಗಳ ಬಗ್ಗೆ ಗಟ್ಟಿಯಾಗಿ ಆಡದಿದ್ದರೆ ಯಾರಿಗೆ ಗೊತ್ತಾಗುತ್ತದೆ? ತನಗೆ ಸಾಟಿಯೇ ಇಲ್ಲವೆಂದು ಜಂಬ ಪಡುತ್ತಿದ್ದ ಮಸಾಲೆದೋಸೆಗೆ ಜಬರ್ದಸ್ತ್ ಪೈಪೋಟಿಯಾಗಿ ಪೀಟ್ಜಾ, ಬರ್ಗರ್ ಬಂದಿವೆ! ಹೀಗಾಗಿ ...
ಇನ್ನಷ್ಟು ಓದಿ