ಭರವಸೆ

ಕಿಂ ಜಾಂಗ್ ಕಳಿಸಿದ್ದಾರೆ ನವ ವರ್ಷ ಸಂದೇಶ
ಯಾವಾಗ ಬೇಕೋ ನೀಡಬಹುದಂತೆ ಆದೇಶ

ಧರಿಸಿಸುವಂತೆ ನಾವು ಮೈಮೇಲೆ ವಸ್ತ್ರ
ಧರಿಸುತ್ತಾರೆ ಈತ ಮೈಮೇಲೆ ಅಣ್ವಸ್ತ್ರ

ನಮ್ಮ ಮೇಲುವಸ್ತ್ರಕ್ಕೆ ಗುಂಡಿ ಹೊಲೆದಂತೆ 
ಇವರ ವಸ್ತ್ರಕ್ಕೆ ಅಣ್ವಸ್ತ್ರದ ಗುಂಡಿ ಇದೆಯಂತೆ 

ಇಷ್ಟವಾದಾಗ ಒತ್ತಿಬಿಡಬಹುದು ಬಟನ್ನು
ಎಬ್ಬಿಸಲು ಬಾನೆತ್ತರ ಕ್ಯಾಂಡಿಕಾಟನ್ನು

ಅಣಬೆಯಾಕಾರದಲ್ಲಿ ಹೊಗೆಯು ಮೇಲೆದ್ದು
ಒದ್ದಾಡುವ ಜೀವಗಳಿಗೆ ಸಿಕ್ಕೀತು ಮದ್ದು

ಹೊಸವರ್ಷಕ್ಕೆ ಕಿಂ ಜಾಂಗ್ ನೀಡಿದ್ದಾರೆ ಭರವಸೆ
ಅಮೇರಿಕಾ ಜೊತೆಗೆ  ಮುಂದುವರೆಯಲಿದೆ ವಾಗ್ವರಸೆ